Naligiimmik akissarsiaqartitsineq: Naalakkersuisup Pape naapikkusuppaa

Inatsisinut atuutsitsinermut naalakkersuisup Anthon Frederiksenip Danmarkimi ministeri Søren Pape Poulsen aasaru naapikkusuppaa

Politiit aamma isertitsivimmi paarsisut aningaasarsiaqarnerat eqqartorneqassaaq.

- lnatsisinik atuutsitsinermut suliassaqarfimmi atorfillit assigiimmik atugaqarnissaat Naalakkersuisut pingaartippaat. Ukiorpassuit matuma siorna sumi inunngorsimaneq tunngavigalugu akissarsiaqartitsineq atorunnaarsinneqarpoq. Taamaattumik inatsisinik atuutsitsinermi suliassaqarfimmi atorfillit akornanni akissarsiat atorfinitsitaanermilu atugassarititaasut assigiinngittariaqanngillat, Anthon Frederiksen Tillie Martinussenimut allagaqaammi ilisimatitsivoq.

lnatsisinik atuutsitsinermut suliassaqarfimmi suleqatigiinnut asigiinngitsunut akissarsiat atorfinitsitaanermilu atugassarititaasut pillugit nassuiaammik suliaqarlutik Justitsministeeriaqarfiup naalakkersuisoqarfik ilisimatippaa.

- Tallissaanik alloriartoqartinnagu nassuiaatip pineqartup inerneri Naalakkersuisunit takuneqaqqaarusupput, Anthon Frederiksen allappoq.

Powered by Labrador CMS