Skip to main content

Naleraq ineqarnermut atatillugu suliami borgmesterimut tapersersuivoq

Kommuneqarfik Sermersuup ineqarnermut atatillugu suliaa kommunalbestyrelsip ataatsinngormat oqaluuseraa. Naleqqamit IA-llu gruppiannit borgmesteri suli tapersersorneqarpoq.

Kommuneqarfik Sermersuumi kommunalbestyrelsip marlunngornermi ualikkut ataatsimiinnerani sakkortuumik oqallittoqarpoq.

Nakkutilliisummi kommunimut sakkortuumik isornartorsiuisimanera aamma suliamut atatillugu ingerlatsiviup naapertuutinngitsunik arlalinnik saqqummiussisimanera suliarineqarsimapput.

Ilaatigut kommunip siunnersuisarfimmut isumaqatigiissutaanik atorunnaarsitsinerup kingorna kommuni miliuunilikkaanik akiliuteqaqqullugu kommuni eqqartuussivimmut suliassanngortinneqarsimavoq. Kommunimiilli isumaqarput, siunnersuisarfiup isumaqatigiissutaasutut kiffartuussinissaq isumagisimanngikkaa.

Borgmesterili Charlotte Ludvigsen ataatsimiittoqareersoq borgmesteritut suli issiavoq. Inuit Ataqatigiit kommunalbestyrelsimi suleqataasa aappaata - Demokraatit - tunuarnissaa piumasarisimagaluaraat, IA-p suleqataata aappaata Naleqqap suli tapersersorpaa.

Allagaatinik pissarsiniarniartut

Kommuneqarfik Sermersuumit ilisimatitsissutigineqarpoq, IA-mit Naleqqamillu ineqarnermut tunngatillugu suliarineqarsimasut naapertuutinngitsullu pillugit saqqummiunneqartut tusaatissatut tiguneqarsimapput. 

Siumumit aamma borgmesteri tunuartariaqartoq oqaatigineqarsimavoq, Siumut Demokraatillu saqqummiunneqarsimasut tusaatissatut tiguneqanngillat.

Siumukkormiulli Demokraatillu ataatsimik siunnersuuteqarput, tassalu suliamut atatillugu Nakkutilliisut allagaataannikborgmesteri pissarsiniaqquneqassasoq.

Siumup kommunalbestyrelsimi gruppiani siulittaasoq Inga Dora G. Markussen taamatut siunnersuuteqarsimavoq.

Sumut iluaqutaassagami?

- Uagutsinnut pingaaruteqartoq tassaavoq, Nakkutilliisut aalajangiussaat pimoorullugu tiguneqanngippat aamma amerlanerussuteqartut isumaqarpata inerteqqutaasumik iliuuseqartoqarsimanngitsoq, taava suliami takussutissat tamarmik kommunalbestyrelsimut saqqummiunneqartariaqarput. Saqqummiunneqarpata neriuutigaarput, amerlanerussuteqartut ilungersunartunik suliaqartoqarsimaneranik paasinnissinnaanngussasut, tamatumalu kingornatigut politikkikkut akisussaaffimmik inissiisoqarluni, Inga Dora G. Markussen oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER