Naleqqami siulittaasunngortoq: Inuuniarnerup oqilisarneqarnissaa sulissutigissavarput
Naleqqami siulittaasunngorlaaq Pele Broberg Sermitsiaq.AG-mit apersorneqarpoq.
Pele Broberg Naleqqap ataatsimeersuarnerani siulittaasutut toqqarneqarpoq arfininngormat.
Hans Enoksenip kingoraartissaatut inissinneq ajornaatsuinnaassanngitsoq oqaatigaa.
- Hans Enoksen 2018-imili qinigaaqqaarama qanimut suliani assigiinngitsuni sukataaqatiginikuuara. Qangalili partiimi siulittaasunngorniartunga isumaqartoqarnikuugaluarpoq. Siulittaasunngornissannik uanga pilersaaruteqarnikuunngiivippunga. Taamaattumik siulersuinikkut nikittoqarnera pikkunaqaaq, Pele Broberg oqarpoq.
Sinerissami immikkoortortaqarfiit
Hans Enoksenip siulittaasutut politikkikkut tunngavilersimasaata ingerlateqqinnissaa piareersimaffigaa.
- Innuttaasut ulluinnarni inuuniarnerat oqinnerulernissaa sulissutigissavarput, tamannalu angunissaa oqaloqataaffigissavarput. Sinerissami immikkoortortaqarfiit qanimut suleqatigineqassapput, tassani Knud Fleischerimit akisussaaffigineqassaaq, oqarpoq, nangillunilu:
Akisussaaffimmik tigusisoq
- Ataatsimiinnitta takutippaa sakkortuumik ataatsimoorfeqartugut. Aamma Hans Enoksen toqqissisimatillugu ingerlaqqinnissarput kissaatiginikuuarput. Akisussaaffimmik angisuumik tunineqarpunga, suleriaqqinnissaralu qilanaaralugu, Pele Broberg oqarpoq.
Naleqqami siulersuisuuninngortut:
- Siulittaasoq Pele Broberg
- Siulittaasup tullia Jens Napaattooq
- Siulittaasup tulliata aappa Knud Fleischer
- Aningaaserisoq Kiista Fencker
- Allattaaneq Paneeraq Olsen
- Mette A. Hammeken
- Juno Berthelsen
- Siulersuisuunerni ilaasortat:
- Anthon Frederiksen
- Nukanunnguaq K. Svendsen