Skip to main content

Naleqqami nuimasut marluk kommunimut qinigassanngortipput

Naleqqameersoq Pele Broberg Kommuneqarfik Sermersuumi suliaqartarnermut sunniuteqaqataarusuppoq. Hans Enoksen aamma Qeqqata Kommuniani sunniuteqaqataarusuppoq. Partii marlunnik qinigaaffeqarnermut sinniisoqarnermullu periusissiorsimavoq.

Kommuneqarfik Sermerssumi qinersinermut siulersuisut ullumi ataatsimiissapput, tassani partiinit assigiinngitsunit qinigassanngortittut allattorsimaffiat saqqummiunneqassaaq. Naleqqameersoq Pele Broberg kommunimi suliaqartarnermut sunniuteqaqataarusuppoq, taamaammallu Inatsisartunut komunillu qinigassanngortilluni.

- Illoqarfik najugaqarfigisara sunniuteqarfigerusuppara, Pele Broberg Sermitsiaq.AG-mut oqarpoq.

Qineqqusaarnermili sunik anguniagaqarniarnini suli oqaatigerusunngilaa.

Partiimi nuimasoq alla aamma kommunalbestyrelsimut iserusuppoq

Hans Enoksen Qeqqata Kommuniani kommunimut qinigassanngortissimasut allattorsimaffianni ilaavoq. Sermitsiaq.AG-p paasissutissaatai malillugit aamma Inatsisartunut qinigassanngortissimavoq.

Pele Broberg marlunnik qinigaaffeqarsinnaanini pillugu imatut oqarpoq:

- Suliassat amerlavallaassappata, kommunalbestyrelsimi atuuffinnik tiguserusuttup qinigaassutigalugit angorusutakka ingerlateqqissavai, Pele Broberg kommunimut Inatsisartunullu qinigaassaguni aamma naalakkersuisunngussangaluaruni tamanna aatsaat atuutsinneqarsinnaasoq erseqqissaasoq ilisimatitsivoq.

- Tamatuma qulakkiissavaa, anguniakkaannut kingusinnerusukkut saqqummiutassannut atatillugit uannut qinersisimasut asuli qinersisimannginnissaat, Naleqqami politikkeri 2018-imi timmisartoqarfiliassat pissutigalugit naalakkersuisooqatigiinnit tunuarnissami tungaanut aningaaasaqarnermut naalakkersuisuusimasoq erseqqissaavoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER