Nakuusertoqarnerusimanera politiit ernumanartoqartippaat

Nakuusertoqarneranut tunngatillugu nalunaarutigineqartut ukiup affaata ingerlaneranni marloriaatinngungajassimapput. Amerlangaatsiarput politiinullu ernumanartoqarluni, taakkumi innuttaasunut toqqaannartumik maanna saaffiginnipput.

Qaammatini kingullerni nakuusertoqangaatsiarsimavoq.

Kalaallit Nunaanni Politiit Facebookiminni nalunaaruteqarput oktoberimi novemberimilu nakuusertoqarsimaneranik nalunaarutiginninnerit aasap qaammataanut sanilliullugit marloriaatinngungajassimasut.

Kisitsisit novemberimi amerlanerpaasimapput, Kalaallit Nunaanni Politiimmi novemberip 29-ata tungaanut nakuusertoqarsimaneranut tunngatillugu katillugit 109-inik nalunaarfigineqarsimapput.

- Oktoberi aamma taamaappoq, nakuusernerit nalunaarutigineqartut 106-iusimammata, Kalaallit Nunaanni Politiit Facebookiminni allapput.

Marloriaatinngungajattut

Kalaallit Nunaanni Politiit ilisimatitsipput nakuusertoqarsimatillugu nalunaarutinik nalinginnaasumik qaammammut 60-inik pisarlutik. Taamaammat qaammatit oktober aamma novmber politiinut ulapiffiungaatsiarsimavoq.

- Ikioqatigiilluta kisitsisit mumisitsigit, eqqissilluta decemberi ingerlanniassavarput , Kalaallit Nunaanni Politiinit kaammattuutigineqarpoq.

Powered by Labrador CMS