Nakorsiartoq utaqqisitaasoq: Tappingernissara annilaangagaara
Kristine Mathæusseni isimi illuttut igalaasartaanik ersernerlutsitsinermik eqqorneqarsimalluni ukiup aappaatani affaani isileritinnissaminut utaqqivoq. Ima isigiarsutsigivoq ilaanni kussinernut nakkartarlunilu taseqqanut maasarnernik aqqusaangaqartarluni.
AG-mi sapaatip akunnerani kingullermi allaaserineqartutut Nuummi Dronning Ingridip Peqqissaaviani (DIH) suliarineqarnianngikkunik misissorneqartussat 1000-init sinneqartut coronap ajornartorsiortitsinerata kingunerisaanik kinguartinneqarsimapput.
Tassa nunatta marsip 20-anit matuneqarnerata kingornanit napparsimasut 1.026-t kinguartitsinernit eqqugaapput.
Taakkua ilagaat siusinaartumik pensionisiaqartoq Nuummeersoq 54-nik ukiulik Kristine Mathæussen. Taanna inersimasut inuusunnerusut isimik igalaasartaanik ersernerlutsitsisarnerannik eqqungaasimavoq. Isaalu suliarineqassasut 2019-imi januaarimili innersuussutigineqarsimagaluarpoq.
Isingiarsunneruvoq
Maannalu aarleqqutigileqqavaa suli isimigut suliarineqartinnani tappigeratarsinnaanini, namminermi oqarnera naapertorlugu isimini talerpillermi ima isigiarsutsigilersimavoq takussutigisinnaajunnaangajassimallugu, illualu aamma saamerleq ajorsiartuinnarluni.
- Eqqarsaatit ullormiit ullormut nuanniittaqaat. Allaaneq ajorpoq ilaanni iterumaartunga isigisaqarnanga. Taamaammat ilaanni sinilernissaraluunniit nangiarisarpara. Allaaneq ajorami isigisaqarnanga iterumaarlunga, qulliini arriitsumik ulussamigut kuulersut taama oqarpoq.
Kristine pillugu allaaserisaq AG-mi atuarsinnaavat - uani pissarsiariuk: