Nakorsat: Vikarit ukiumut 16 millioneqarput

Naalakkersuisut napparsimasut nunani allani katsorsartinnissaannut 10 million koruuninik immikkut aningaasaliipput. Nunatsinnili ajornartorsiutit aamma qaleriiaaginnarput. Aningaasarpassuit vikarinut atorneqartarnerat ajornartorsiuterujussuuvoq.

Peqqinnissaqarfik ilungersunartorsiorpoq. Taamaattualersimavoq.

Aviisi AG taama allaaserisaqarpoq.

Kalaallit Nunaanni nakorsat peqatigiiffiat naapertorlugu ajornartorsiuterujussuuvoq ukiut tamaasa immikkut 16 million koruuninik aningaasaliisoqartariaqartarnera nakorsat peqqissaasullu vikarit akissarsiaannut atorneqartussanik.

Nakorsat peqatigiiffiata kisitsisit ilaat ungasinngitsukkut aviisimi Sermitsiami saqqummersut naatsorsoqqissimavaat. Paasineqarpoq ukiuni qulini (2008-2017) 131,6 million koruunit nakorsat taartaasussat allaffianut akilerneqarsimasut.

Marloriaataasut

- Nakorsamut ataatsimut aningaasartuutit peqqinnissaqarfimmi nakorsamut atorfeqartumut aningaasartuutinit marlooriaataapput. Ataatsimut isigalugu toqqaannartumik 65,8 million koruunit inuiaqatigiinnut kalaallinut aningaasartuutaanerusarput, aningaasallu taakku inuttaliinissami siunniussat attanneqassappata pisariaqarput, nakorsat peqatigiiffiani siulittaasup tullia aningaaserisorlu nunap immikkoortuani nakorsaq Nicolai Hardenberg Larsen oqarpoq.

- Sanatigullu angalanermut aningaasartuutit, angalanerup nalaani akissarsiat, piffissap ilaani nakorsat taakku suleriaatsinut IT-millu aaqqissuussinermut ilinniartinniarlugit naammassisinnaasat allanngornerannut aningaasartuutinut ilanngunneqassapput, nangilluni oqarpoq.

Allaaserisaq tamaat AG-mi atuaruk – uani ataani isissutissarsigit:

Powered by Labrador CMS