Kalaallit Nunaanni nakorsanit tallimaasunit sisamat avataaneersuusarput. Tamanna kisitsisit nutaat Nuummi nakorsat marluk suliarisimasaasa takutippaat.

- Kalaallinit kingoqqisuulluni Kalaallit Nunaanni nakorsaanissaq iluaqutissartaqarluarpoq, taama nakorsat Trine Abelsen aamma Johan Bundgaard nakorsat peqatigiiffiata atuagassiaani Nakorsanut allaaserisami allapput.

Aviisi AG taama allappoq.

Maannakkorpiarli peqqinnissaqarfik nakorsanik kalaallinik angerlartitsiniarluni pitsaanerpaamik ussassaarinngilaq ilami sulisussaqarnermik ajornartorsiutip aaqqinniarnissaanut.

Ajornartorsiutit annertoqaat: Sulisunik amigaateqarneq annertusiartorpoq. Tatineqarnerujartorpoq. Ernisarfiit matoorarneqarput. Kalaallit Nunaanni nakorsat peqatigiiffiani siulersuisut nalunaarutaani nutaami sulisoqarnermi inissisimaneq pillugu allassimasoqarpoq:

- Aqutsisut arlaanik peqquteqarlutik soraartarput. Sulivallaarluni qasulernerusoq ersarippoq. Aallarterlaajulluni aqutsisumut nutaamut pissanganarlunilu kajungernarsinnaasoq peqqissaavinni nakorsiartarfinnilu kukkunerpassuit amigaatillu peqqutigalugit nakkaannarnermik kinguneqartarpoq, allassimavoq.

Aamma innuttaasut tusagassiuutillu kajumissaarneqarput isornartorsiuineq annikilliseqqullugu. Tamanna sulisunut annernarpoq taamatullu nuanniitsunik oqarfigineqartarneq ilinniarlutik naammasserlaat angerlartinniarnerannik ajornarnerulersitsivoq.

- Ilungersuinnartunut ukiorpassuarnilu taamaaliorsimasunut nuanniitsumik nalunaarfigineqarnerpassuit nungullarsaataapput. Tusagassiuutit innuttaasullu ilisimasariaqarpaat nakorsat allallu peqqinnissaqarfimmi sulisut qanoq annertutigisumik sulinersut, nakorsat peqatigiiffiani siulersuisut erseqqissarpaat.

Aviisimi AG-mi atuarnerusinnaavutit. Aviisi uani pissarsiariuk:

AG - 29/03-2023

Klik her for at læse