Skip to main content

Nakorsat inuusuttut: Uterusukkaluarpugut, kisianni...

Peqqinnissaqarfik nakorsassaaleqeqaaq. Kalaallit nakorsat amerlanersaat angerlarlutik sulerusukkaluarput. Amerlaqisulli sulinerminni siuariartornissaq peqqutigalugu naaggaartarput. Toqqaanissaq ajornakusoorpoq, nakorsat inuusuttut oqarput. Danmarkimiilli angerlarusulernissaannut iliuuseqartoqarnerusariaqarpoq.

Peqqinnissaqarfik tusiapippoq. Annertuumik nakorsassaaleqisoqarpoq. Kalaallit inuusuttut Danmarkimi nakorsanngorniartut tamanna iliuuseqarfigisinnaavaat.

Aviisi AG taama allappoq.

Amerlanerit nakorsatut angerlarusuttarput, akimmisaarfippassuaqarporli. Taamaattumik ilaat Danmarkimiiginnarusuttarput.

Inuusuttut nakorsanngorniartut kalaallit nakorsat amerlanerusut qanoq angerlarusulersinneqarsinnaanerannut siunnersuuteqarput:

Kalaallit Nunaat Danmarkilu attaveqatigilluaannarlik. Nakorsanngorniartut sulinissaannut periarfississigit. Nakorsanut inuusuttunut Kalaallit Nunaanni sulinermi amerlanernik periarfissiisoqarli.

Meeraat meeqqerivimmi pitsaasunik inissaqartinneqarlutik. Kalaallit nakorsat amerlanerit ilinniareerlutik angerlarusulernissaannut tamanna aqqutissaavoq, Nakorsanngorniat peqatigiiffiat isumaqarpoq.

- Amerlaqaagut nunatsinnut uterusuttorujussuit ilinniareerutta sulerusuttugut. Nakorsanngorniarnerli sivisoqaaq – ukiut arfinillit. Tamatuma saniatigut reservelægetut sulineq (turnus) nakorsatullu immikkut ilinniagaqarnissaq. Taamaattoqarneratigut Kalaallit Nunaannut attuumaneq annaaneqarsinnaavoq. Taamaattumik Kalaallit Nunaanni peqqissaavinni sulineq aasaaneranilu sulinerit pingaartuupput attaveqarneq attatiinnarneqassappat, Toke Ketwa-Driefer oqarpoq.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER