Nakorsat 88 procentii isorinnittut: Politikerinit tusaaneqartanngilagut
Nakorsat tamat oqallinnerannut sukataarnerusumik peqataajumasinnaapput, kisianniliqisuariaatissanik ernummatiginnillutik, politikerinillu aamma tusaaneqartaratik. Taamaalillunipeqqissutsikkut aarlerinartorsiornerit annertunerulersinnaapput.
Coronamik nappalaanersuaq annerpaaffimminiilermat WHO nalunaarpoq, kukkusumik
paasissutissiisarnerit nutaarsiassallu eqqunngitsut nunarsuarmi nappaalanersuup
akiorniarneqarnerani unammilligassat annerpaartarigaat. Aviisi AG sapaatip-akunnerani matumani saqqummersoq taamatut allappoq.
Inuit peqqinnissaq pillugu siunnersuutinik paatsiveerunnartunik, eqqunngitsut allaallumi
piaaraluni ilumoortuunngitsunik avitseqatiginnittarnerannik ajornartorsiut, Kalaallit Nunaanni
aamma ajornartorsiutaasinnaavoq.
Tamanna apersuilluni misissuinermit, nakorsat 51-it akornanni ingerlanneqarsimasumi,
maannamullu inernerisa nakorsat atugassiaanni Nakorsanumi normumi kingullermi
saqqummersinneqarfigisaanni, ersersinneqarpoq. Nakorsat aperineqartut 65 procentiisa
misigisarsimavaat, kalaallit »peqqinnissamut tunngasunik inunnit peqqinnissakkut
tunuliaqutaqanngitsunit tunngavissaqanngitsunilluunniit annertuumik paasissutinneqartartut«.
Allatut oqaatigalugu, oqartussat nakorsallu namminneq tamat oqallinneranni immaqalu
nittartakkani attaveqatigiiffiusartuni peqataanerusarnissaannut pissutissaqartoq, nappaatit,
nappaatinut ersiutit katsorsaariaatsillu pillugit kukkusumik paasissutissiisoqartarsinnaanera
iliuuseqarfiginiarlugu.
Nakorsalli tamarmik inuit attaveqaqatigiittarfiisigut saqummernissartik nuannarisanngilaat, apersuilluni misissuisimanerup tamanna takutippaa. Tunuarsimaarnermut ilaatigut nuanninngitsunik qisuariartoqarnissaanik erummatiginnittarneq pissutaavoq:
Misissuisoqarsimanera pillugu aviisimi AG-mi sapaatip-akunnerani matumani saqqummersumi paasisaqarnerugit, ugguuna iserfigisinnaavat: