sulisoqarneq

Nakorsassaaleqineq pissutigalugu napparsimasut Nuummukartarput

Nakorsanik aalajangersimasumik atorfilinnik amigaateqarneq pissutigalugu peqqinnissaqarfik eqiterneqarpoq aningaasartuutillu amerligaluttuinnarlutik. Periutsilli allanngortinnissaa Naalakkersuisut tunngavissaqartinngilaat

Nuummi nakorsiartarfik. Assi toqqorsivimmit

Siunissami peqqinnissaqarfimmi napparsimasunut erloqinartumik kinguneqaateqassaaq Kalaallit Nunaata nakorsanik atorfinitsitsisarneq allanngortinngippagu.

Taamatut mianersoqqusivoq Nakorsat Kattuffianni siulittaasoq Ole Lind, sapaatip akunnerani kingullermi taartaagallartunik atuinerup annertusigaluttuinnartup AG-mi oqaluttuarineqarneranut qisuariaatitut.

Nakorsat eqqortunik piginnaasaqanngitsut

Ole Lindip, Dronning Ingridip Napparsimmavissuani gynækologip, ilaatigut tikkuarpaa piffissami sivikitsuinnarmi atorfinitsisarnerpassuit kingunerisraat Kalaallit Nunaanni pissutsinut misilittagaqannginneq.

Taamaasilluni sinerissami nakorsat piginnaasanik amigaateqakulasarput, peqqinnissaqarfiup pitsaasumik ingerlannissaanut, nunami inukitsumi isorartoorujussuarmilu.

– Tatineqaleraluttuinnarpugut, napparsimasut Nuummut innersuunneqartarlutik nalinginnaasullu amerligaluttuinnarlutik. Tamanna nukissaajarnarpoq peqqinnissaqarfimmullu napparsimasunullu ataasiakkaanut akeqarluni, Ole Lind AG-mut oqarpoq.

Oqaluttuaq tamaat naalakkersuisullu akisussaasup Doris Jakobsenip (S) apersorneqarnera AG-mi sapaatip akunnerani saqummersumi atuaruk, aviisilu pingasunngorpat pisiniarfinni pisiarineqarsinnaalissaaq

Powered by Labrador CMS