Nakorsaq ungasissorsuarmi najugaqaraangat
Nakorsat peqqissaasullu suminngaanniit pissarsiarineqassappat? Pilerngunneqartorujussuupput. Nunat avannarliit allat qallunaanik nakorsanik akissarsiarpassuaqartitsillutik pilerisaarisarput.
Nakorsat peqqissaasullu suliaminnik ilinniagaqarsimasut amigaataanerisa kingunerinik sumi tamaani peqqissutsimik isumaginninneq tatineqarpoq, AG allappoq.
- Ukiut arlaqanngitsuinnaat matuma siornagut ingammik avinngarusimasuniittunut sulisussarsiniartarneq annerpaasarpoq. Ajornartorsiut maanna annerulersimavoq illoqarfinni annerusuni aamma malugineqarsinnaalerluni, allaammi illoqarfiit pingaarnersaanni.
Peqqissutsimik isumaginninnermi ilungersunartut amerliartuinnartut Inatsisartuni oqallisigineqarmata, peqqissutsimut naalakkersuisoq Mimi Karlsen (IA) taama nalunaaruteqarpoq.
Erniinnaartumik pitsanngoriartoqarsinnaaneranik takussutissaqanngilaq.
Ajornartorsiut tassaavoq, nakorsanik amigaateqarneq nakorsanik sulisussarsiffigineqartartumi Danmarkimi aamma atuummat. Nakorsat kattuffiata Praktiserende Lægers Organisationip, PLO-p siunissamut missingersuusiaani takuneqarsinnaasutut qallunaat 150.000-it sinneqartut aappaagu namminerisaminnik nakorsaqarnavianngillat.
Sverige aamma Norge aaqqiissutaasinnaasumik aamma neqeroorutissaqanngillat.
Sverige coronap ajornartoortitsinerani nunani avannarlerni sakkortunerpaamik eqqugaavoq. Ajornartoornerup kinguneranik peqqinnissamik suliaqartut qasutatsippai, aamma Sverigemi tusagassiorfiit oqaatigaat, universitetit napparsimmavii arfineq-marluugaangata arfinilinni sulisussaminnik amigaateqartartut – tassa sumiiffinni inuttunerpaaffiusuni.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: