Skip to main content

Nakorsaq: Nillertumi nalutsiarneq uloriananngilaq

Piaarnerpaamik isumannaatsumut pisinnaanissat qulakkeeqqaaruk, Facebookimi unammilleqattaanneq pillugu nakorsaq siunnersuivoq

Dronning Ingridep napparsimmavissuani nakorsat qullersaat Jesper Olesen isumaqarpoq sivikitsukullammik imaani nillertumi kinisimatsiarneq ulorianaatilittut isigisariaqanngitsoq piaarnerpaamik isumannaatsumut pisinnaaneq qulakkeersimagaanni. Ukiukkummi nalunnguartarneq atugaavoq ulorianaatilittullu isigisaanani, oqarpoq.

Takuuk: Video: Nick Nielsen aamma inupassuillu allat immamut pissittut

Sapaatit akunnerisa kingulliit ingerlaneranni arlalissuit Nunatsinni imaanut nilleqisumut aqqartarsimapput Facebookikkut unammilleqattaannerup kinguneranik. Inuit unammillernikkut kajumissaarneqartarput filmiliaritillutik imaanut nillertumut aqqassasut. Imaanut aqqanngitsut immiaaqqanik karsimik tunissuteqartussanngortitaasarput. Inuilli ilaasa ernummatigaat imaanut nillertumut aqqarneq inuunermik navialisitsiffiusinnaasoq.

Atuaruk: Facebookikkut unammisaqattaarut politiit sakkortuumik mianersoqqussutigaat

- Qaqutigorujussuaq pisut taama ittut inuunermik uloriatorsiornermik kinguneqartarput. Taamaammat takussaalersoq una peqqinnissaqarfimmiit ernumanartutut isiginngilarput naak sianiitsuliornertut isigineqarsinnaagunaraluartoq, Dronning Ingridep napparsimmavissuani nakorsat qullersaat Jesper Olesen Sermitsiaq.AG-mut oqarpoq.

Unammilleqattaannerli alla Danmarkimut annguppoq tassani piffissap sivitsup iluani imigassamik annertuumik imernissamut unammilleqattaattoqarluni.

- Taava oqarusunneruvunga imaanut nillertumut sivitsumik aqqaneq piffissap sivikitsup iluani imigassamik annertuumik imernermiit uloriannginnginneruvoq. Aamma inuppassuit ukiukkut nalunnguartarput tamannalu ulorianartutut isigineqanngilaq, Jesper Olesen oqarpoq.

Taannali imaani nillertumi nalunnguarniartunut siunnersuutissaqarpoq.

- Pissinnermi arlaannut apunnginnissaq sianigisariaqarpoq. Assersuutigalugu pissinnermi niaqqukkut aporneq inuunermik ulorianartorsiortitsinermik kinguneqarsinnaavoq. Aamma qulakkeertariaqarpoq assersuutigalugu umiarsualivimmi pissinnermi tummeqqat qaqiffiusinnaasut eqqannguanniinnissaq, Jesper Olesen oqarpoq.

Politiit sakkortuumik kaammattuutigaat imigassartorsimalluni imaanut aqqannginnissaq, taamaattoq imaani nillertumik nalunnguarneq inerteqqutaanngitsoq erseqqissaatigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER