Skip to main content

Nakorsaaneqarfimmit suliassat ilaat nuunneqassapput

Nakorsaaneqarfik aappaagu annikinnerulaartumik aningaasalerneqassaaq, tamannali isumaqanngilaq peqqinnissaqarfiup iluani sipaartoqassasoq, pitsaaliuinermili sulianik nussuinermik tunngaveqarluni.

Nakorsaaneqarfiup suliarisimasaasa ilaat Isumaginninnermut Aqutsisoqarfimmut nuunneqassapput, tassa ilaqutariinnut meeqqanullu suliniutinut tunngassuteqartut katersorneqassammata. Taassuma saniatigut tuberkolusemut tunngatillugu peqqinnissaqarfiup iluani siunnersorti peqqinnissaqarfimmut nuunneqassaaq. Taamaasilluni Nakorsaaneqarfik ukioq mannamut sanilliullugu, aappaagu 500.000-inik ikinnerusunik aningaasalerneqassaaq.

- Nakorsaaneqarfiup kontoanit pingaarnermit sipaarniartoqassanngilaq, suliassalliukua nuunneqartussaasut, peqqissutsimut naalakkersuisoqarfik ilisimatitsivoq.

Suliat katersorneqassapput

Peqqissutsimut naalakkersuisoqarfik Sermitsiaq.AG-mut allakkatigut akissuteqarnermini nassuiarpaa pitsaaliuinerup akisussaaffiit allanngortiterneqartut, taamaasillutik ilaqutariinnut meeqqanullu suliniutit 2020-mit ataatsimoortinneqalissallutik. Ilaatigut Nakorsaaneqarfimmut aningaasartuutit 2020-mi ukiunilu tullerni 300.000 koruuninik ikilineqarput.

- Pitsaaliuinerup ataani akisussaaffinnik allanngortiterinermi, ilaqutariinnut meeqqanullu suliat Isumaginninnermut Aqutsisoqarfiup ataanut inissinneqarneranni, anguniarneqarpoq suliat ataqatigiinnerulernissaat, sulianilu arlalinni pitsaanerusumik angusaqarnissaq. Suliniutit taakku aqutsisoqarfinni suliaqartunilu assigiinngitsuni aggulussimagaluarpoq, allassimavoq.

- Taamaattumik suliat Kalaallit Nunaanni Namminersorlutik Oqartussat ataanni ataatsimi ataatsimoortilernissaat uani pineqarpoq.       

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER