Kalaallit Nunaanni meeqqat isigisinnaasusaannik kingusippallaartumik misissuisoqartarpoq. Ajornartorsiut tamanna nakorsap Ph.D.-nngorniartullu kiisalu isaruaarniartartup aaqqiissutissarseruppaat, Arctic Hub nittartakkamigut allappoq.

Meeqqat isigisinnaassusaannik misissuisarneq meeqqat atualereerneranni aallartinneqartarpoq, isigiarsuttuunerallu kingusinaartumik paasineqartarluni, tamatuma malitsigisaanik meeqqat isigiarsunnerulersinnaanerat pinaveersaartikkuminaassinnaavoq, nakorsaq Ph.D-nngorniarlu Nick Duelund oqarpoq.

Taanna Dronning Ingridip Napparsimmavissuani nakorsaavoq aamma Ilisimatusarfimmi Københavns Universitetimilu Pfh.D-nngorniartuulluni. Ph.D-nngorniarnermini sammisaraa, meeqqat isigisinnaassusaannik siusinnerusukkut misissuisoqartarnissaa, isigiarsuttuunerisa siusinnerusukkut paasineqartarnissaat anguniarlugu.

- Ilisimatusarninnut tunngaviuvoq, Kalaallit Nunaanni meeqqat isigisinnaasusaannik kingusippallaartumik misissuisoqartarnera, taanna oqarpoq.

Nuummi Majas Optikimi isaruaarniat suleqatigalugit meeqqerivinniittartut sisamanik ukiullit isigisinnaassusaannik misissuilluni aallartitsiniarpoq.

Ataavartumik isigiarsuttunngorsinnaaneq pinaveersaartinneqarsinnaasoq

- Isumaqarpunga meeqqat isigisinnaasusaannik siusissukkut misissuisoqartoqartariaqartoq, Kalaallimmi Nunaanni isit nakorsaannik peqartuannanngimmat, isaruaarniaq Maja Overgaard oqarpoq.

- Meeqqat sisamanik ukioqarneranni isigiarsuttuunerat paasineqarsinnaasuuppat, ataavartumik isigiarsuttunngorsinnaanerat pinaveersaartinneqarsinnaavoq. Atualereersullu isigiarsuttuunerannik paasisaqarnermi iliuuseqarnissaq kingusippallaartarluni. Taamaammat anguniagaraarput, Kalaallit Nunaanni meeqqat sisamanik ukiullit tamarmik misissorneqartarnissaat, Nick Duelund nassuiaavoq.

Nakorsap Nuummi isiginnaassutsinik misissuinermini meeqqat isigiarsuttut paasisaqarfigissappagit, isaruaarniat nunami angalanerminni misissueriaaseq atorsinnaalissagaat, Arctic Hub allappoq.