Nakkutilliisoqarfik kommunip inissianik attartortitsisarnera pillugu peqqussuteqarlunilu isornartorsiuivoq
Kommuneqarfik Sermersuup innuttaasut inissaqartinniarlugit periusia malittarisassanik unioqqutitsineruvoq, Nakkutilliisoqarfik aalajangiivoq.
Nakkutilliisoqarfik Kommuneqarfik Sermersuup innuttaasut inissaqartinnniarlugit periuserisimasaa pillugu aalajangiisimavoq.
Aalajangiinerlu kommunimut Nakkutilliisoqarfimmi isornartorsiorneqarlunilu peqqussuteqarfigineqartumut atuassallugu nuannerpallaarnavianngilaq.
Kommuni inissianik hunnorujulikkaanik sanasunit namminersortunit attartoriarluni kommunimi innuttaasunut attartortitseqqittarsimavoq. Kommuni taamatut aaqqissuussisimanermini aningaasanik annaasaqarsimavoq, inissiat attartorteqqinneqartarnerat annaasaqarfigisarsimagamiuk. Kommunip suliap suliarineqarnerani innersuussutigisimavaa, Nuummi inissaaleqisut amerlasoorujussuummata, innuuttaasut inissaqartinneqarnissaannik pisussaaffeqarluni.
Malittarisassat unioqqutinneqartut
Kommunimit tunngavilersuutigineqartoq Nakkutilliisoqarfiup aalajangiinermini akerlilerpaa:
- Nakkutilliisoqarfiup paasivaa, suleriaaseq atorneqartoq kommunit piginnaatitaanerannut maleruagassanik unioqqutitsinerusoq, tassami kommunip inuussutissarsiornermi attartornermut aningaasartuutai atuisut akiliuteqarnerini isertitaannit aammalu inissianut allaffissornikkut aningaasartuutissanut sipaarutissaannit annertunerummata, nakkutilliisoqarfik allappoq, nangillunilu:
Nakkutilliisoqarfimmi ilaasortat
Nakkutilliisoqarfimmi ataatsimiittoqarmat peqataasut:
Sólja í Ólavsstovu, Nakkutilliisoqarsimmi siulittaasoq
Doris J. Jensen, Inatsisartunit toqqagaasimalluni ilaasortaq
Marianne Jensen, natsisartunit toqqagaasimalluni ilaasortaq
Evelyn Frederiksen, Ilaasortaq, kommunit ataatsimoorlutik toqqagaat
Naja Lund, Juaaka Lyberth-imut taartaalluni ilaasortaq, kommunit ataatsimoorlutik
toqqagaat (Juaaka Lyberth suliamut attuumavallaarluni peqataasinnaanngilaq, § 52
Imm. 3, Kommunit aqunneqarnerat pillugu Inatsisartut inatsisaat nr. 29, 17. november
2017-imeersoq naapertorlugu).
- Nakkutilliisoqarfiup oqaatigissavaa, inissianik appasinnerusumik attartorneq,
kommunip piginnittumut akiliutissatut pisussaaffigisaanit, akeqartillugu allanut
attartortitsinermi innuttaasunik ataasiakkaanik iluaqusiineq, kommunip
piginnaatitaaneranik unioqqutitsinerusoq.
Nakkutilliisoqarfiup Kommuneqarfik Sermersooq peqquaa Atugassarititaasut assingusut
tunngavigalugit inuussutissarsiornermi attartornermut isumaqatigiissuteqartarnerit
unitseqqullugit.
Borgmesteri ataatsimiititamullu ilisimatitsissuteqartoqarsimannginneq isornartorsiorneqartut
Nakkutilliisoqarfiup sakkortuumik isornartorsiorpaa Aningaasaqarnermut
Ataatsimiititaliap paasissutissanik naammattunik tunngavilimmik
inuussutissarsiornermi attartornermut isumaqatigiissuteqarnermut
akuersissuteqarsinnaanissaata qulakkeernissaanut, Kommuneqarfik Sermersuumi
Aningaasaqarnermut Ataatsimiititaliamut suliassami paasissutissiineq
naammassimanngitsoq.
Nakkutilliisoqarfimmit aamma Kommuneqarfik Sermersuumi borgmesterip Aningaasaqarnermut Ataatsimiititaliamut suliami paasissutissiinerup naammattumik tamakkiisuunissaanik nakkutiginnissimanngitsutut isornartorsiorpaa:
- Nakkutilliisoqarfiup sakkortuumik isornartorsiorpaa Aningaasaqarnermut Ataatsimiititaliami akuersissuteqarnissaq pisariaqartoq qulakkeeqqaarnagu, Kommuneqarfik Sermersuumi borgmesterip pisuni pingasuni inuussutissarsiornermi attartornermut isumaqatigiissutit akuerisimagai, nakkutilliisoqarfik Asii Chamintz Narup imaluunniit Charlotte Ludvigsne isornartorsiorneqarnersoq pillugu ilisimatitsinngitsoq allappoq.
Nakkutilliisoqarfiup aamma Aningaasaqarnermut Ataatsimiititaliami sioqqutsisumik akuersissuteqartoqanngitsoq, Kommuneqarfik Sermersooq pisuni marlunni inuussutissarsiornermi attartornermut isumaqatigiissutinik akuersissuteqarsimanera isornartorsiorpaa. Soorlu aamma kommunip suliaq pillugu Nakkutilliisoqarfimmut ilisimatitsissuteqarsimannginnera isornartorsiorneqartoq.
Ineqarnermik ingerlatsineq sukannernerusumik nakkutigeqquneqartoq
Nakkutilliisoqarfik aamma arlalinnik inassuteqaateqarpoq. Nakkutilliisoqarfimmit ilaatigut isumaqartoqarpoq, suliassani ilaatinneqartuni ineqarnermut tapersiinermut
taarsigassarsiat akuerineqartut inatsisinut naapertuuttumik akuerineqarsimanersut
Namminersorlutik Oqartussat suliassaqarfimmut oqartussatut naliliissasut.
Allanut attartortitsinermut isumaqatigiissutit innuttaasunut isumaqatigiissutigineqartut inatsisinut naapertuunnersut pillugu Namminersorlutik Oqartussat aamma naliliisariaqartut oqaatigineqarpoq.
Nakkutilliisoqarfiup Nakkutilliisunut inassutigaa, Kommuneqarfik Sermersuup ineqarnermut ingerlatsinermut periusaa sukannernerusumik allaffissornikkut nakkutilliineq aallartissagaa.