Najukkami radioqarfik Ukrainemi meeqqanut qimaasunut katersuiniartoq

Najukkami radioqarfik, Seekon Radio Qaqortumiittoq Ukrainemi meeqqanut qimaasunut aningaasanik katersuiniarpoq. Katersuiniarneq siulleq sisamanngornermi unnukkut ingerlanneqarpoq, tassanilu suliffeqarfiit innuttaasullu katersuiniarfigineqarlutik. Katersuiniarneq arfininngornermi ingerlanneqaqqissaaq.

Seekon Radion Ukrainemi meeqqanut qimaasunut aningaasanik katersuiniarpoq. Kujataa tamakkerlugu arfininngornermi apriilip aappaani bingo-toqassaaq.
Katersuiniarnermi aaqqissuisut. Saamerlermiit: Kent Kielsen, Hans-Peter bay aamma Nina-Vivi Møller Andersen.
Seekon Radion Ukrainemi meeqqanut qimaasunut aningaasanik katersuiniarpoq. Kujataa tamakkerlugu arfininngornermi apriilip aappaani bingo-toqassaaq. Kent Kielsen / Seekon RadioKatersuiniarnermi aaqqissuisut. Saamerlermiit: Kent Kielsen, Hans-Peter bay aamma Nina-Vivi Møller Andersen. Kent Kielsen / Seekon RadioSeekon Radion Ukrainemi meeqqanut qimaasunut aningaasanik katersuiniarpoq. Kujataa tamakkerlugu arfininngornermi apriilip aappaani bingo-toqassaaq. Kent Kielsen / Seekon RadioKatersuiniarnermi aaqqissuisut. Saamerlermiit: Kent Kielsen, Hans-Peter bay aamma Nina-Vivi Møller Andersen. Kent Kielsen / Seekon RadioSeekon Radion Ukrainemi meeqqanut qimaasunut aningaasanik katersuiniarpoq. Kujataa tamakkerlugu arfininngornermi apriilip aappaani bingo-toqassaaq. Kent Kielsen / Seekon RadioKatersuiniarnermi aaqqissuisut. Saamerlermiit: Kent Kielsen, Hans-Peter bay aamma Nina-Vivi Møller Andersen. Kent Kielsen / Seekon Radio

Upernavimmeersoq nipilersornermik piginnaasalik Tulluartoq Nielsen nipilersortoralugu, meeqqanik inuusuttunik, suliffeqarfinnik innuttaasunillu apersuinerit sisamanngornermi toqqaannartumik Seekon Radiokkut katersuiniarnermi tusarnaarneqarput.

Katersuiniartoqarnissaanik Kent Kielsen isumassarsisuuvoq, taanna sorsuffimmi meeqqanut qimaasunut qanoq iliuuseqarusulersimavoq.

- Sorsunneq allartimmat inuillu qimaallutik aallartimmata eqqarsalerpunga qanoq ikiuutaasinnaanerlunga. Allaat eqqarsaraluarlunga Nunarput qimaasunut piareersimasinnaagaluartoq. Seekon Radiolu aqqutigalugu aningaasaik katersuiniarneq eqqarsaatigilerpara, taamaasillungalu Hans-Peter Bay aamma Nina-Vivi Møller Andersen attavigisimallugit, taakkulu ikiuukkusullutik nalunaarmata katersuiniarneq piviusunngortinneqarpoq, Kent Kielsen oqarpoq.

Katersuiniarneq sisamanngornermi martsip 31-ani nalunaaqutaq arfineq-marluniit qulingiluat tungaanut aallakaatinneqarpoq. Unnuup ingerlanerani 12.200 koruunit katillugit katersorneqarput, katersuiniarnermilu suliffeqarfiit assigiinngitsut innuttaasullu aningaasaliipput. Maannalu katersorneqartut 17.000 koruunit sinnerpai.

Arfininngornermi bingo banko

Katersuiniarnerup aallartinngilaataani suliffeqarfiit Sulisitsisuni ilaasortaasut attavigineqarput, aperineqarlutillu katersuiniarnermi peqataasinnaanersut.

- Toqqaannartumik katersuiniarnerup saniatigut bingo banko arfininngornermi apriilip aappaani ingerlanneqassaaq. Tassanilu pingaarnertut eqqorneqarsinnaapput 20.000 koruunit. Narsami, Qaqortumi Nanortalimmilu bingoplade-nik akiginiaavugut. Neriuutigaarput amerlasuut bingomi peqataanissaat, tassami eqqugassat suliffeqarfinneersut aamma eqqorneqarsinnaammta, Kent Kielsen oqarpoq.

Kujataa tamakkerlugu bingo banko Seekon Radio 103 FM-ikkut ingerlanneqassaaq, bingo-nerlu arfininngornermi apriilip aappaani nalunaaqutaq 19.00 aallartinneqassalluni. Bingopladit Narsami Brugsenimi akiginiarneqarput, Qaqortumi Brugsenimi Pisiffimmilu Nanortalimmilu katersortarfik akiginiaalluni.

Aningaasat katersorneqartut Red Barnet-ip Ukrainemi meeqqanut qimaasunut tapersersuineranut ikineqassapput.

Suliffeqarfiit aningaasaleeqataasut tapersersuisullu tassaapput, Garder Charter, Blue Ice Explorer, Inua Care, Great Greenland, Brugsen, Pisiffik, Stark, Kap Farvel, Qaqortup Timersortarfia aamma Angerlarsimaffik Akilliit.

Powered by Labrador CMS