Skip to main content

Najukkami najugallit ajornartorsiortunik ikiuisimasut

Inuit marluk umiatsiaarartik kiviartulermat annanniarlutik qeqertamut niusimapput.

Tallimanngormat Avannaani angalaartoqarmat inuit marluk annaanneqartariaqarsimapput.

Inuit marluk pineqartut Upernavimmiit Aappilattumut umiatsiaaqqamik ingerlaarsimapput, aqqutaanili umiatsiaaraat kiviartulersimalluni.

Pigaartut pisortaata Brian Thomsenip oqaluttuaraa, ajunaalernermi kalerrisaarummik tigusaqartoqarmat annaassiniarneq aallartinneqarsimasoq.

- Kivisoqalerneranik nalunaaruteqartoqarpoq. Ingerlaannartumik qisuariarluta upalungaarsimasut suliakkippavut, oqartussalli ajornartorsiortunut suli anngutinngitsut ajornartorsiortut ikiorneqarsimapput. Aappilattumi najugallit ujaasillutik aallarsimapput taakkulu nassaaralugit, Brian Thomen oqaluttuarpoq.

Umiatsiaaraq annaaneqarsimasoq

Pigaartut pisortaata oqaluttuaraa, inuit marluk taakku annanniarlutik qeqertamut niusimasut, Aappilattumilu najugalinnit aaneqarsimasut.

- Annaassiniarluni suliaqarnermi upalungaarsimaneq aannertuut ingerlanneqartarpoq, ajornartorsiortulli avannamut ungasissupilussuarmiissimapput. Qujanartumillu najukkami najugallit ikiuussinnaasimallutik, Brian Thomsen oqarpoq.

Taamaalilluni ajornartorsiortoqarnerani inunnik ajoqusertoqarsimanngilaq. Umiatsiaararli annaaneqarsimasoq, pigaartut pisortaat oqaluttuarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER