Sermersooq
Najugaqarnermut uppernarsaat online-kut akeqanngilaq
Kommuneqarfik Sermersooq paasissutissiivoq innuttaasut amerlasuut ulluni makkunani Innuttaasunik Sullissivimmut saaffiginnittartut najugaqarnermut uppernarsaammik piniarlutik. Taannali aamma online-kut pineqarsinnaavoq
Annonse
Ulluni makkunani innuttaasorpassuit Innuttaasunik Sullissivimmut saaffiginnittarput najugaqarnermut uppernarsaammik piniarlutik.
Innuttaasut najugaqarnermut uppernarsaat atorsinnaavaat nunani moms-eqarfiusuni - assersuutigalugu Danmarkimi - nioqqutissanik pisigaangamik momsip utertinnissaanut. Allagartakkut uppernarsarneqarpoq Kalaallit Nunaanni najugaqartuusutit.
Kommuneqarfik Sermersooq paasissutissiivoq Innuttaasunik Sullissivimmut imaluunniit kommunip allaffianut saaffiginnilluni najugaqarnermut uppernarsaatip piniarnera 52 koruuneqartoq.
– Akerlianik najugaqarnermut uppernarsaat online-kut aagukku kommunimukartariaqanngilatit 52 koruunillu sipaassavatit. Tassami online-kut aallugu akeqanngilaq, kommuni paasissutissiivoq.