Aasiaat
Najugaqarfik nungulluni ikuallattoq ukiortaap ullaavani
Aasianni najugaqarfik nungulluni ikuallappoq ukiortaap ullaavani. Najugaqartoq ajunngitsoq politiinit oqaatigineqarpoq
Aasianni qatserisartut politiillu ukiortaap ullaavani nalunaaqutaq 05.14 nalunaarfigineqarput najugaqarfimmik ikuallattoqartoq.
Najugaqarfigisamut nalunaaqutaq 05.20 apuukkamik najugaqarfik pujortupilussuuvoq. Najugaqarfimmi ineqartoq ikuallattumit anisareersimavoq. Najugaqarfigineqartoq nungulluni ikuallappoq.
Adventskransi ikuallannermut pissutaasoq
Politiit ikuallattoqarneranut misissuinerminni paasivaat adventskransi ikuallannermut pissutaasoq.
- Adventskransip amusariamiinnerani ikuallalerpoq, Qaasuitsup politiivini pisortaagallartoq Kasper Berthelsen Sermitsiaq.AG-mut oqarpoq.
Inimi najugaqartoq napparsimavimmi putsumik iioraasimasutut misissoqqissaarneqartoq politiinit nalunaarutigineqarpoq, aamma ajunngitsoq nalunaarutigaat.