Naggueqatigiit Inuit nalunaarsorsimaffiannik eqqarsaat suli taamaatinneqanngilaq: Oqaaseq tunngavigineqartussaq tassaavoq nagguik
Pele Broberg avataanit taperserneqarpoq aamma naggueqatigiit Inuit nalunaarsorsimaffiannikilungersuuteqarnini ingerlateqqippaa. Tamatumunnga peqatigitillugu nunasisunik inuiaqatigiinnutakulerutsitsinermut inatsimmik isumaliutersuuteqarpoq.
Naleqqap siulittaasua Pele Broberg itisuumik sivisuumillu tupigusuuteqarpoq. Eqqaamavaami naggueqatigiit Inuit nalunaarsorsimaffiannik eqqussinissamik eqqarsaat saqqummiukkamiulli qanoq ajortigisunik taagorneqarnini, tamakkununnga ilaalluni ammip qalipaataanik immikkoortitsisuunerarneqarnini. Maannali misigivaa isummani inuttut pisinnaatitaaffinnik suliaqartumit qitiusutut inissisimasumit taperserneqartoq, tassa Naalagaaffiit Peqatigiit aallartitaannit Francisco Cali-Tzayimit.
Cali-Tzay sapaatip akunnerata siuliani Nunatsinnut tikeraarpoq, tamatumalu kingorna
nalunaarusiamini naggueqatigiit Inuit Danmarkimi Nunatsinnilu pisinnaatitaaffiinik
isornartorsiuilluni, tikkuarlugulu “ammip qalipaataanik aaqqissuussaanikkut ataqatigiissumillu immikkoortitsisoqartartoq”. Taava aamma Naalagaaffiit Peqatigiit aallartitaata oqaaseqarfigaa, Pele Brobergip naggueqatigiit Inuit nalunaarsorsimaffiannik pingaartitsilluni siorna saqqummiussinera:
Kalaallit Nunaanni naalakkersuisut immikkut ittumik kajumissaarusuppakka Naalagaaffiit
Peqatigiit nalunaarutaat nunat inoqqaavisa pisinnaatitaaffiinut tunngasunik
atuutsitsileqqullugit, imminut kinaassutsimik isiginninneq tunngavigalugu, Cali-Tzay
nalunaarusiamini allappoq.
Kinaanermik paasinnittaaseq pisinnaatitaaffiuvoq
Imminut kinaasutut isiginnissinnaatitaaneq, ILO-mi nunat assigiinngitsut aalajangersagaanni 169-imi allassimasoq, naggueqatigiit Inuit kajumissutsiminnik nalunaarsuisarnissaannut Pele Brobergip kissaatigisaanut pingaarutilimmut ilaavoq. Nalunaarsuiffimmi allattorsimaffimmut
ilanngunneqassagaanni naggueqatigiinnit Inunnit kingoqqisuusariaqarpoq.
- Aalajangersakkami pineqartoq tassaavoq “naggueqarneq”. Oqaaseq akuerineqaataasussaq tassa taannaavoq, Pele Broberg oqarpoq, taassuma Naalagaaffiit Peqatigiit aallartitaata kinaassusilittut imminut isiginermut tunngasunik oqaasii naammagisimaartorujussuuai. – Taamaalillunimi saqqummiussakka taperserpai, Pele oqarpoq, taamali oqariarluni nuannaarutiginninnini minnerulersinniarsaralugu.
Allaaserisaq tamakkiisoq AG-mi uani sapaatip akunnerani saqqummertumi atuaruk:
