Nagdlunguak finalemut annguppoq

Angutini NÛK aamma Nagdlunguak arfininngornermi ualikkut unammimmata sakkortuumik unammisoqarpoq. Nagdlunguak ajugaangami finalemut annguppoq.

Den afgørende kamp var mellem herrernes NÛK mod Nagdlunguak søndag. I dag kæmpes der om medaljerne. - TAAK, TAAK,
Den afgørende kamp var mellem herrernes NÛK mod Nagdlunguak søndag. I dag kæmpes der om medaljerne. - TAAK, TAAK,
Den afgørende kamp var mellem herrernes NÛK mod Nagdlunguak søndag. I dag kæmpes der om medaljerne. - TAAK, TAAK,

Assammik arsarluni pissartanngorniunnerit Nuummi Inussivimmi ulluni makkunani ingerlanneqarput. Unamminerit ulluisa tallimassaat ippassaq arfininngornermi ingerlanneqarpoq.

Angutini NÛK aamma Nagdlunguak unammisoqarmat finalemut anngunniunnertut isigineqarpoq.

- Iligiit tamarmik saassussinermi aallartilluarput, kisianni aamma tamarmik assersuinertik iluatsinneq ajulerpaat. Unammineq aallartilaaginnartut ilimanarsivoq kukkunikinnigit ajugaassasut, assammik arsartartut kattuffiat tusagassiorfinnut nalunaaruteqarluni allappoq.

Muusaarannguaq Ostermann-Søholmip NÛK-p saassussisarnerini aquummik tigummilluarpoq, unamminerullu aallartinnerani ingerlalluarluni. Nagdlunguami Constantino Bagatolli saassussinermi aamma ingerlatsilluarpoq, unamminerullu immikkoortuani siullermi tallimariarluni isertitsilluni.

Timeout atorneqartoq

Unamminermi minutsit 21-ssaanni Nagdlunguak 14-10-mik siuaqqalerpoq, NÛK-llu sungiusaasua Tom Ostermann-Søholm timeoutertitsivoq.

- Tamanna sunniuteqarpallaanngilaq, unamminerup immikkoortua siulleq naammassimmat
Nagdlunguak 18-14-imik siuaqqavoq.

Unamminerup immikkoortuata aappaani NÛK arlaleriarluni kukkuluttorpoq, taamaasilluni Nagdlunguak isertitsinernik marlunnik siuarluni. Anisitaanerilli tulleriit pingasut Nagdlunguamut naleqangaatsiarput, NÛK-mi tulleriinnik pingasunik isertitsimmat.

- NÛK-li saassussinermi suli kukkuluttorpallaarnertik aammalu Nagdlunnguup saassusinera suli unitsinneq ajulerlugu. Pisut annikitsutut taaneqarsinnaasut unamminerup inerneranik aalajangiisuupput. Nagdlunguak kukkunikinneruvoq, aammalu isertitseriarfigitinnerni annaassinerulaarluni. Nagdlunguak 33-29-mik ajugaapput.

Nagdlunguak finalemi GSS-imut unammissaaq.

Unamminermi Constantino Bagatolli Nagdlunguameersoq unammilluarnerpaatut toqqarneqarpoq.

Arnani GSS aamma NÛK finalessapput

Arfininngornermi unamminerit pingasut sinneri ullumi finalemi kikkut unamminissaannut sunniuteqanngillat.

Arnani GSS NÛK-mut ajugaavoq. Iligiit taakku marluk finalemut anngutereernikuupput ullumilu sapaammi unammeqqissallutik.

Iligiit K-33-mut ajugaapput, angutinilu GSS Aqissiamut ajugaallutik. Iligiit tamarmik mianersortumik unammipput, unamminerillu teknikkimik misileraaffiunerullutik.

Ujaminnanniunnerit ullumi nal. 12.00 aallartissapput, arnani Iligiit aamma K-33 bronzennanniussallutik.

Powered by Labrador CMS