Naatsorsuutit: Iserit amigartooreerluni sinneqartuulerpoq
Inissiaatileqatigiiffiup Iserit A/S-ip 2017-imi million koruuninik amigartoorsimaneq 2018-imi millionit affaannik sinneqartoornermut mumisissimavaa.
Iserit A/S-ip naatsorsuutaani kaaviiaartitakinnerulaalernermik takutitsivoq, kisianni ingerlatsinermi angusat 653.000 koruuninik pitsanngoriaateqarpoq.
Pisortaq Torben Kortegaard nalunaarummi allappoq, niuerfimmi inissianik attartortitsisarnermi akikinnerpaanissaq anguniarneqartoq. Ingerlatseqatigiiffik 2018-imi inissianik 2.111-nik attartortittagaqarpoq, taakkunannga 900-t Iserimit pigineqarlutik, 1000-t ingerlatseqatigiiffimmit NCD-imit attartortinneqarlutik aamma 200-t Kommuneqarfik Sermersuumit.
Immikkut ittumik suliassaqanngitsoq
Ingerlatseqatigiiffik illoqarfiit pingaarnersaata kommunianit pigineqarpoq, ukioq mannalu ataatsimoortumik isumaqatigiissusiortoqarpoq, taanna immikkut isumaqatigiissutinik 2005 tikillugu isumaqatigiissutaasunik imaqarpoq.
Tamatumunnga atatillugu Iserit kommunip suliffeqarfiutaannik ingerlatsiunnaarnissaa aalajangiunneqarpoq. Aalajangerneq tamanna apriilip aallaqqaataanit ukioq manna atuutilerpoq.
Ingerlatseqatigiiffiup siunertaa pillugu inatsit allanngorneqarpoq, inissianik aqutsinerup saniatigut aamma ”nammineq inissiaatinik sanaartorneq, kiisalu piginninneq, tapiissuteqarluni tuniniaaneq, ingerlatseqatigiiffiup inissiaatai aalajangersimasut aamma suliffeqarfiit attuumassuteqartut attartortinneqarnerit aamma ingerlanneqarnerit”, aqutsisut nalunaarutaanni tamanna atuarneqarsinnaavoq.
Sanaartugassanik suliarinnittartumik sinaakkutitut isumaqateqarneq
Illoqarfiit pingaarnersaanni inissaaleqineq atorunnaarsinniarlugu aamma akikinnerpaamik inissialiornissaq siunertaralugu, Iserit ukiuni arlalinni atuuttussamik sanaartornermik suliaqartartunik ingerlatseqatigiiffinnik suliassanut soqutiginnittunut sinaakkutitut isumaqatigiissusiornissani isumaliutiginnippoq.
- Ukiuni arlalinni atuuttuni sanaartugassanik suliarinnittartunut isumaqatigiissusiornikkut annertusaasinnaasut aamma aningaasartuutiminnik apparsaasinnaasut, taamaalillutillu akikinnerusumik sanaartorsinnaasut nalilerneqarpoq, aqutsisut allapput.
Inissiat 18-it tunineqartut
Iserit A/S-ip 2018-ip ingerlanerani inissiat 18-it tunivai. Nuummi pingasut, Qeqertarsuatsiaani sisamat, Tasiilami pingasut, Ittoqqortoormiini tallimat aamma Paamiuni ataaseq.
Ingerlatseqatigiiffiuå ukioq manna 1,2 millionit koruuninik sinneqartoornissani naatsorsuutigaa, sanaartornissamullu aningaasaliissutit 290 millionit koruuniussapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...