Naatsorsuutigisamit Nuummi qaartiterisoqarnerussasoq

Munck Gruppen Nuummi timmisartoqarfissaq sanaartorlugu aallartinneqarnissaanut pingasunngorpat sapaatiuppallu ullaakkut qaqqamik kisimik qaartiterissanngillat. Suleqatigiissitaqarpoq Kalaallit Airportsimit, Mittarfeqarfinnit, Air Iceland Connectimit aamma Air Greenlandimit inuttalinnit, taakku atuutsinneqalernissaat apriilip qaammataani isumaqatigiissuigineqarsimavoq

Kalaallit Airportsimi pisortaanerup, Peter Wistoftip, Srmitsiaq.AG-mut uppernarsarpaa, suliffeqarfiup Munckip “aallaqqaammut naatsorsuutigisatsinnit qaartiterinerit annikinnerusut amerlanerusulli ingerlakkusukkai”.

Apriilip qaammataani nalunaarutigineqarpoq, aasaanerani pingasunngornikkut sapatikkullu arfineq-marluniit qulingiluat tungaanut, ukiuuneranilu quliniit ullup-qeqqata tungaanut taamaallaat qaartiterisoqartassasoq.

- Qaartiterinerit soorunami VVM-imi akuersissutit aamma Mittarfeqarfiiit, Air Iceland Connect Air Greenlandilu isumasioqatigisimanerat naapertorlugit ingerlanneqassapput, Peter Wistoft ilisimatitsivoq.

Qaartiterinerit akulikissusaat

VVM-imi nassuiaat naapertorlugu, sanaartornerup aallartinnerani qaartiterisoqarnerusassaaq, naatsorsuutigineqarporlu sapaatip akunneranut ataasiarluni pingasoriarlunilunniit qaartiterisoqartassasoq.

Tunngaviatigut ullut tamaasa ullaakkut arfineq-marluniit unnukkut qulit tungaanut qaartiterisoqartarsinnaavoq, VVM-imi nassuiaat taamatut allassimasoqarpoq.

Qaartiterinissamut pilersaarut Avatangiisinut Naalakkersuisoqarfimmut nassiunneqassaq, qaammatinullu pingasunut atuuttussatut pilersaarutaassalluni, Peter Wistoftilu ilisimatitsivoq, pilersaarut akuerineqarpat ingerlatseqatigiiffiup nittartagaatigut tamanut saqqummiunneqassasoq.

Naammagittaalliuutit

VVM-imi nassuiaammi allassimasutut, piumasaqaatit ilagivaat, qaartiterineq naammassineqaraangat naalakkersuisoqarfimmut nalunaarusiortarnissaq.

- Kalaallit Airports A/S qaammatit pingasut siuliini qaartiterisimanerit pillugit qaammatit pingasut tamaasa nalunaarusiortassaaq. Qaartartunik atuinerit tamarmik, qaartartut qanoq ittut qanorlu amerlatigisut atorneqarnersut, qaartiterinerit annertussusaat, qaartiterinerit ullormi sumi qassinullu pisimanersut nalunaarusiarineqartassapput, kiisalu nipiliorneq pillugu Kalaallit Airportsimut taassumaluunniit sanasuanut naammagittaalliortoqarsimappat nalunaarusiortoqassalluni.

Qaqqanik qaartiterinerit kingusinnerusukkullu dozerinik piiaanerit, ujaqqanik qaartitanik aserorterinerit immikkoortiterinerillu kiisalu kingusinnerusukkut ujaqqanik qaartitanik immiinerit nalaanni nipiliortoqarnerpaassaaq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS