Skip to main content

Naatsiianik naatitsisartut pissarsiatik marloriaatinngortikkaat

Ilaqutariinnut Egedekkunnut naatsiianik naatitaminnik siornamut sanilliullugu marloriaatinngortitsisimasunut aasaq ajunngilluinnartuusimavoq

Eqaluit Iluanni Narsap avannaani Sermillip Kangerluaniittumi aappariit Arnaq aamma Ferdinand Egedep naatsiianik
naatitsivigisartagaanni aasaq kiassimavoq, sialuisassimallunili.

Aviisi Sermitsiaq taama allappoq.

Taamaakkaluartoq ukioq manna ilaqutariinnut aasaq tamakkerlugu imerterinermik atortuminnik atuisimasunut naatsiianik naatitsinermi
ukiorissaarfiusimavoq.

– Aasaq manna iluatsitsilluarsimaqaagut, kiassimammat taamaattumillu naatsiiassanut 5 tonsinut 500 kiilunullu iliorarsimasatsinnut ajunngilluinnartuusimalluni. Siallinngingajassimammat imerterinermik atortut piffissaq tamakkerlugu atortariaqarsimavavut, kisianni ukioq manna naatsiiaat​​​​​​​ 63 tonsit katersorsinnaasimavavut. Siorna 32 tonsiinnaat pissarsiaraavut, siornami nilleqaaq siallersaqalunilu, Arnaq Egede
nuannaarluni aviisimut Sermitsiamut oqaluttuarpoq.

Aasaq ulapaarfiusoq

Ferdinand Egedep 1998-imi aallartikkamili naatsiianik inuussutissarsiuteqarnini ineriartortissimavaa. Ilaquttani peqatigalugit ukiorpassuarni savaatiliusimavoq, kisiannili​​​​​​​ 2014-imi naatsiianik naatitsisartutut kisiat ingerlatsilerniarluni aalajangerluni, savaateqarnermillu inuussutissarsiut ernerminut marlunnut tunniussimallugu.

– Uigalu marluulluta naatsiianik naatitsisarnermik isumaginnikkaluarluta ernivullu savanik pingaarnertut isumaginnikkaluartut, tamatigut naatsiiaanut savanullu atatillugu ikioqatigiittarpugut, aasaq mannalu ulapputivissorpugut. Aasaq aallartimmat savat savaaqqiulerput, tamatuma kingorna ruuassanik ikkussuivugut, naammassigatsigillu naatsiiassanik ikkussuilluta. Tamatuma kingorna narsaatinik ujaraajaavugut nutarterillutalu, juulimilu ruuanik piiaalerluta, Arnaq Egede oqaluttuarpoq.

Aviisimi Sermitsiami atuarnerusinnaavutit. Aviisi uani ataani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER