Skip to main content

Naartusunut, neqitornaveersaartunut utoqqarnullu nerisaqarnissamut immikkut innersuussutit

Fødevarestyrelsen naartusunut, neqitornaveersaartunut utoqqarnullu 65-ileereersimasunut nerisaqarnissamut immikkut innersuussuteqarpoq.

Naartuguit milutsitsiguilluunniit sukkullit pisariaqartinnagit inuussutissartallit pisariaqartippatit. Neqitornaveersaartuullutit mannittortarlutillu immunnit tunisassianik nerisaqartaruit inerititanik manninnillu amerlanerusunik nerisaqartassaatit, illilli 65-isileereersimasoq proteinitalinnik nerinerusassaatit. Danmarkimi Fødevarestyrelsenip tusagassiorfinnut nalunaarutaa naapertorlugu ilassutitut siunnersuutit ilaat taamatut nipeqarput.

- Inuunitsinni sumut killinnerput apeqqutaalluni nerisarisartakkavut allanngortittariaqarsinnaavavut, tassa peqqissuuginnarusukkutta aamma timitta atornissaanut nukissaqarusukkutta. DTU Fødevareinstitutsimit ilisimasavut tunngavigalugit, naartusut, neqitornaveersaartut inuillu 65-ileereersimasut immikkut pisariaqartitaat misissorsimavavut, maannalu siunnersuutit assigiinngitsut pingasut, Nerisaqarnissamut innersuussutit ukioq manna siusinnerusukkut saqqummiussimasatta ilassutissaattut, Fødevarestyrelsenip allaffiani pisortaq Anne Pøhl Enevoldsen oqarpoq.

Inuussutissartallit

Naartusut milutsitsisullu inuussutissartalinnik amerlanerusunik nukissaqartitsisartunillu pisariaqartitsisarput, imaanngilarli amerlanerusunik kaagisorlunilu sukkulittortoqartasssanngitsoq. Naartusunut milutsitsisunullu immikkut siunnersuutigineqarpoq, sukkulinnik nerivallaarunnaarlutik imerpallaarunnaarlutillu peqqinnarnerusunik nerisaqarnerulernissaat.

Siunnersuut tamanna innuttaasunut 65-ileereersimallutik peqqissuusunut aamma siunnersuutaavoq, taakkununngali atatillugu allatut nassuiaatitaqarpoq.

- Utoqqaligaangatta nerinikinnerulersarpugut, taamaammallu sukkullit, tarajullit orsutaqarpallaartullu annikinnerusumik nerisariaqarpavut. Nerisassat inuussutissartallit, vitaminitallit mineralitallillu inissaqartillugit nerisarnissaat pingaaruteqarpoq. Inunnut 65-ileereersimasunut inuussutissartallit immikkut pingaaruteqarput, taakkumi nukitsinnik ataavartitsisuullutillu utoqqalinermi napparsimalersinnaanermut nukillulersinnaanermullu illersuutaasarmata, Anne Pøhl Enevoldsen oqarpoq.

Nerisassat silap pissusaanut iluaqutaasut

Nerisaqarnissamut pisortatigoortumik innersuussutit nutaat malillugit silap pissusaanut iluaqutaasunik nerisaqarnerulernissarput inassutigineqarpoq, tassungalu atatillugu neqitornaveersaartut nersorniarneqarput. Neqitoranili aalisagartoranilu nerisaqartarnermut nerisassat assigiinngitsut akuleriissinneqartarnissaannut immikkut piumasaqaatitaqarpoq.

- Neqit aalisakkallu nerinaveersaartarukkit, inuussutissat, orsut, vitaminit mineralillu pisariaqartitatit tamaasa piniarukkit, nerisassavit akuleriissinneqartarnissaat eqqumaffigisariaqarpat, Anne Pøhl Enevoldsen oqarpoq.

Naartusunut/milutsitsisunut nerisaqarnissamut ilassutitut innersuussutit takukkit

65-ileereersimasunut nerisaqarnissamut ilassutitut innersuussutit takukkit

Neqitornaveersaartunut nerisaqarnissamut ilassutitut innersuussutit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER