Skip to main content

Naartusoq coronamik tunillatsissimasoq anertikkarami unitsinneqarsimavoq

Nuummi arnaq naartusoq coronamik tunillatsissimasoq pingasunngormat anertikkalerami ambulancenik napparsimmavimmukaanneqarsimavoq. Sivikitsumik uninngatinneqareerluni angerlartinneqarsimavoq, taannalu oqaluttuarpoq massakkut pitsaanerulersimalluni.

40-nik ukiulik Panninguaq Miunge coronamik tunillatsissimavoq naartuujullunilu. Ataasinngormat ilaqutariit misissortikkiartorsimapput, taakku nukappiaraataat ataaseq ulluunerani meeqqerivimmi Timmiaaqqaniittarnera pissutigalugu. Ilaqutariinni arlallit tunillatsissimasuupput.

- Paninga inuusuttuaraq, ernera pingasunik ukiulik uangalu tunillatseqqavugut. Ernera angajulleq 22-nik ukiulik, uinga ernerpullu qulingiluanik ukiulik tunillatsissimanngillat. Ernerma pingasunik ukiullip tunillatsissimagaluarluni corona malugisimanngilluinarpaa. Taanna qiimajuaannarlunilu kisiitsuujuaannarpoq. Paninga uangalu kissarneqarsimavugut, Paninnguaq Miunge Sermitsiaq.AG.-mut oqaluttuarpoq.

Taakku ernerat angajulleq pingasunngormat coronamut misissortikkami aamma tunillatsissimasoq paasineqarpoq.

Ataasinngormat ajortissimasoq

Paninnguaq Miunge sapaatip akunnerisa 38-ssaanni naartuvoq.
Privatfoto

Paninnguaq Miunge sapaatip akunnerisa 38-ssaanni naartusoq ataasinngormat ajortissimavoq. Coronamut atatillugu suliaqartunit attaveqarfigineqarsimavoq qanorlu innersoq aperineqarluni. Anersaartorniarnerminik ajornartorsiuteqarluni oqaluttuarmat, ajoqusersimasunut saaffiginnittarfimmut attaveqaqquneqarsimavoq.

- Ajoqusersimasunut saaffiginnittarfimmut sianerpunga, ajorluinnaramali nammineerlunga takanunngarsinnaananga, sulisullu ulappunnerat portørillu tamarmik suliaqarnerat pissutigalugu aaneqarsinnaasimanngilangar.

Marlunngormat unnukku anersaartorniarnera pitsaanerulersimanngilaq, Paninnguaq Miungelu ajoqusersimasut saaffiginnittarfiaanut sianeqqissimavoq.

Piffissami sivikitsumi uninngatinneqarsimasoq

Ualikkut arfernup missaani ambulancenit aaneqarpoq ajoqusersimasullu saaffiginnittarfiannukaanneqarluni, tassani nalunaaquttap akunnerini pingasuni misissorneqareerluni unitsinneqarsimavoq.

- Ajoqusersimasut saaffiginnittarfianni anersaartorniarnera ernumassutigineqarpoq, taamaammat unitsinneqarpunga. Aaverlunga allatullu misissoqqikkaminnga, misissukkat tamarmik ajorsimanngillat, taamaammat unnukkut aqqarnup missaani angerlartinneqarpunga.

Pingasunngornermi Paninnguaq Miunge pitsaanerulersimavoq, naak suli quersulaartaraluarluni.

- Pitsaanerulersimavunga, ernumanngilangalu, taanna oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER