KL

DK

Naartunaveersaasersuineq: Nunani allani tupaallaatigineqartoq

Spiralilersuisimanermi pisimasut ilumoortut saqqummiunneqassapput. Ataatsimiititaliaq sukkasuumik sulisussaq misissuisussanngortinneqarpoq, partiinilu annersap oqaatigaa, suliamut tamatumunnga qallunaat akuliutsinneqassanngitsut. Ataatsimoorussamik qulaajaaneq pingasunngornermi aallartinneqarpoq.

Suliassaq piaartumik suliarineqassasoq Inatsisartut neriorsuutigaat.
Redaktionen

Spiralilersuisimaneq nunani allani aamma tupaallaatigineqarpoq.

Aviisi AG taama allappoq.

Europami aviisit sunniuteqarnerpaat ilaata Tysklandimeersup ”Der Spiegel”-ip kalaallinik niviarsiaqqanik arnanillu 1965-imit 1975-imut akuersisimasunik akuersisimanngitsunillu spiralilersuisoqarsimanera annertuumik saqqummiuppaa. Pisimasut DR-imi podcastimi saqqummiunneqartut, siusinnerusukkut AG-mi aamma sammineqarput.

- Tusagassiorfiit tuluttut saqqummiussisartut pisimasut aamma sammivaat aamma Østrigimi aviisersuarmi ”Der Standart”-imi allaaserisamut oqaaseqaatigineqartut ilaat kissaammersimaarpalupput.

- Pisimasumi inuttut pisinnaatitaaffiit sumiippat? Inuttummi pisinnaatitaaffiit arnanut aamma atuupput, ilaa? Tamanna nunat tamalaat Danmarkimut sakkortuumik kinguneqartitsinerannik malitseqartariaqarpoq, atuartartoq allappoq.

- Oqaluttuarisaanermi kukkunerusimasut tamaasa pineqaatissiissutigisalerutsigik, nunarsuarmiut tamarmik imminnut kinguneqartitseqattaassinnaapput. Pisimasut taamaattut toqqorterneqannginnissaat pingaaruteqarpoq, taama pisoqaqqinnginniassammat. Danmarkimi aamma taamaalioqqinnavianngilaq, atuartartoq alla taama akivoq.

Aviisimi AG-mi atuarnerusinnaavutit. Aviisi uani pissarsiariuk:

Læs hele sagen:

inuiagatigiit politikki nunatsinnit
Powered by Labrador CMS