Naartuersinnerit ukiut pingajussaannik ikileriarput
Naartuersittartut ikileriarsimasut kisitsisit takutippaat. Kisianni naartuersittarnerit inunngortunit amerlanerupput, Nunatta Nakorsaaneqarfia ilisimatitsivoq
Ikiliartuinnartut naartuersinniarlutik aalajangertarput.
Nunatta Nakorsaaneqarfianit kisitsisit nutaat tamanna takutippaat.
2021-imi naartuersittut katillugit 842-it nalunaarutigineqarput. 2019-imi naartusut 902 naartuersinniarlutik aalajangerput, 2020-milu 889-it.
Naartuersinnerit amerlassusaat ukiuni pingasuni tulleriinni ikileriarnerannik tamanna isumaqarpoq.
Inunngortut aatsaat taama ikitsigisut
Illuanik naartuersinnerit inunngortunit suli amerlanerupput, Nunatta Nakorsaaneqarfia ilisimatitsivoq.
Meeqqat taamaallaat 761-it 2021-mi inunngorsimasut, Naatsorsueqqissaartarfimmit naatsorsuutit takutippaat. Sorsunnersuaq kingullermit ukiumut inunngortut aatsaat taama ikitsigipput.
Naatsorsueqqissaartarfik naapertorlugu, arnat 20-30-t akornanni ukiullit illoqarfiit anginerit avataaniittut, 2021 meerassartik kingulleq peersissimavaat.
Naartuersittut
Takusassiami qulaaniittumi arnat ukioqatigiiaanut agguataarlugit naartuersittut amerlassusaat takuneqarsinnaapput.
Nunatsinni tallimariaammik qaffasinnerusoq
Qulaani takusassiami naartuersittartut Kalaallit Nunaanni Nunanut Avannarlernut sanilliullugu tallimariaammik qaffasinnerusoq takuneqarsinnaavoq.