Naalungiarsummut sinittumut tupa nakkalataarneqartoq
Nuummi politiit akuliunneqarput naalugiarsummut qulingiluanik qaammatilimmut soqutigittaatsumik iliuuseqartoqareersoq
Angajoqqaajusut Ulla aamma Morten Fleischer Nuummeersut aalajangerput illoqarfimmiitillutik qitornartik aneerussivinni sinittoq qimaqqinngisaannassallugu. Taama iliorniarput naak naliginnaasuugaluartoq minutsinni arlaqanngitsuni niuernermi meeraaqqat aneerussivinni sinitsinneqartarnerat.
Aviisi AG allappoq.
Aalajangernerannulli tunngaviusoq angajoqqaat kikkuungaluartulluunniit kamaammernarissavaat.
Inuup maannamut kinaassusersineqanngitsup aneerussiviit paniata siniffigisaasa uliat singissaariarlugit cigarettip tupataanik naalugiarsuk sinittoq nakkalataariffigisimavaa.
- Kigutit nakorsaannut naalugiarsuutitta takutinissaanut piffissamik iniminniinikuugatta. Piffissaq sioqqutilaarlugu apuuppunga. Naalugiarsunnut kalerrisaarut aneerussivinnut ilisinnarlugu apuunnerput nalunaarutigiartorlugu iserpunga naalugiarsuupput aneerussivinni sinittoq, Ulla Fleischer oqaluttuarpoq, nangillunilu:
- Minutsialuinnarnik sivisussuseqarpoq. Taava naalugiarsunnut kalerrisaarut nipiliorpalulermat anipallappunga ajunnginnersoq takusarlugu. Qujanartumik itersimanngilaq. Kisianni takusara avaanngusuummiutigaara. Cigarettip tupakui aneerussiviit iluannut nakkalataarneqarsimapput allaat panimma kiinaani tupakoqarluni niaquatalu sanianiippoq cigarettip kimmivikua. Qineraluarpunga qanittumi allanik inoqarnersoq misissorlugu, Ulla Fleischer soqutigittaatsumik iliuuseqarsimanermik politiinut naluaaruteqarsimasoq oqaluttuarpoq.
Angajoqqaat tupassimaqisut pillugit oqaluttuaq tamaat atuaruk – aviisi ugguuna iserfigisinnaavat:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
