ikorfartuisut
Naalakkersusoq: Aningaasarsiat annertunerit naammanngillat
Inatsisinut atuutsitsinermut naalakkersuisoq, Mala Høy Kúko, inatsisitigut ilitsersorneqarnissamut ikorfartuisullu akornanni suleqatigiinnissamut periarfissat pitsaanerusariaqarnerannik ujartuivoq
Apriilip aallaqqaataanit ikorfartuisut akissarsiaginnerulissapput, Namminersorlutik Oqartussat ilisimatitsipput.
Inatsisinut Atuutsitsinermut naalakkersuisup, Mala Høy Kúkop (A), qallunaat naalagaaffiata tungaanit pitsanngoriartitsineq nuannaarutigaa, kisianni aamma naqissuserpaa taannaannaassanngitsoq.
Ilinniarneq pitsaanerusoq
- Sulisussarsiortarneq, ilinniartitaaneq ataqatigiissaarinerlu pitsaasuussapput. Ikorfartuisunik nutaanik atuilernissamut periarfissat pitsaanerusariaqarput, aammalu inatsisitigut ilitsersorneqarnissamut ikorfartuisullu akornanni suleqatigiinnissamut periarfissat pitsaanerusariaqarlutik, tusagassiuutinut nalunaarummini erseqqarissaavoq.
Ikorfartuisut akissarsiaat siusinnerusukkut isornartorsiorneqartarsimapput, Kalaallit Nunaanni ikorfartuisut Danmarkimi illersuisunit akissarsiakinnerummata. Nalunaarut nutaaq atuutilerpat Kalaallit Nunaanni aamma Danmarkimi illersuisut akissarsiaat assigiilissapput.
Atuaruk: Pineqaatissinneqarsimasunut toqqammaviusartut tusaajumaneqanngitsut