Skip to main content

Naalakkersuisut: WHO-mut ilaasortaaneq aningaasanik annertuunik atuiffiusinnaavoq

Naalakkersuisut Naalagaaffiit Peqatigiit Nunarsuaq Tamakkerlugu Peqqissuunissamut Suleqatigiiffiannut Kalaallit Nunaata ilaasortanngornissaa sulissutigissavaat. Ilaasortanngornerulli aningaasarpassuarnik atuiffiusinnaanera Naalakkersuisunit mianersoqqutigineqarpoq.

Nunat Avannarliit Killiit Siunnersuisoqatigiiffiata siunnersuutigisimavaa, Naalagaaffiit Peqatigiit Nunarsuaq Tamakkerlugu Peqqissuunissamut Suleqatigiiffianni WHO-mi Kalaallit Nunaata peqataatinneqarnerunissaa Naalakkersuisunit sulissutigineqassasoq:

- Nunat Avannarliit Killiit Siunnersuisoqatigiiffianni isummertoqarpoq ilaatinneqarluni ilaasortanngortitaaneq namminersorlutik oqartussaaffiusunut taakkununnga marlunnut iluaqutaarujussuassasoq, tassami marluullutik peqqissutsikkut assigiinngitsorujussuarnik atugassaqartitaapput unammilligassaqarlutillu namminneq periutsitik malillugit iliuuseqarfigilluarsinnaanerusaminnik, siunnersuisoqatigiit siunnersuumminni allapput.

Savalimmiut ukioq manna maajip qaammataani killilimmik pisinnaatitaaffeqarluni ilaasortanngorpoq. Naalakkersuisulli ilaasortanngornerup aningaasarpassuarnik atuiffiusinnaanera mianersoqqutigaatr:

Aalajangiiffigisassatut siunnersuut

Kalaallit Nunaanni, Savalimmiuni Islandimilu naalakkersuisut Naalagaaffiit Peqatigiit Nunarsuaq Tamakkerlugu Peqqissuunissamut Suleqatigiiffiannut WHO-mut ilaasortanngorlutik ilanngutsinneqarnissaannik suliniuteqaqqullugit Nunat Avannarliit Killiit Siunnersuisoqatigiiffiata kaammattorpai.

Pissarsiffik: Ina.gl

- WHO-mut kattulluni ilaasortaaneq aningaasanik annertuunik atuiffiusinnaavoq. Piffissamilu matumani peqqinnissaqarfiup iluani aamma nunanut allanut suliassaqarfimmi aningaasat annikiffianni, kattulluni ilaasortanngorsinnaaneq isiginiarneqassaaq aningaasat sunniutilimmik toqqaannarnerusumillu WHO-p suleqatigineranut atorneqartarnerannut, Naalakkersuisut siunnersuummut akissuteqaateqarlutik allapput.

Suleqatigiinneq pingaaruteqartoq

Naalakkersuisut siunnersuutip kinguneqaatigisinnaasai ilisimaneqanngikkaluartut siunnersuut taperserpaat, tassa ilaasortanngornissaq sulissutigineqassaaq:

- WHO-p siunertaraa nunarsuarmi inuit tamarmik peqqinnissaannik siuarsaallunilu illersuinissamik nunarsuarmioqatigiit nunat akornini suleqatigiinnissaq. Ukiuni marlunngulersuni Kalaallit Nunaanni nualluussuup Covid-19-ip atuunnerani inooqataanitsinni nunarsuarmioqatigiit peqqinnissaq pillugu suleqatigiinnerani pitsaasumi suleqataanissarput qanoq pingaaruteqartiginersoq takusinnaavarput, Naalakkersuisunit oqaatigineqarpoq.

Demokraatit: Qanoq akeqassava?

Siunnersuut Inatsisartunit partiinit taperserneqarpoq. Illuatungiliuttutulli partiip Demokraatit Naalakkersuisutulli aningaasartuutissat kiisalu Kalaallit Nunaata ilannsortanngornermini qanoq pissarsiaqarsinnaanera eqqarsarnartoqartippaat.

- Ilaasortanngornermimi isumaqatigiissuteqarnissamut mianersussaagut, allaffissornermut annertusaasussanut kalaallinut iluaqutissartai apeqqutaatillugit. Taamaattumik apeqqutigerusunnarpoq, Kalaallit Nunaata ilaasortaaneq taanna sukkut iluaqutigissaneraa?, Nunatut sumut pituttussaagut? Nukiit suut pisariaqartinneqarpat? Qanoq akeqassava?, oqaaseqartartupq Anna Wangenheimip (D) apeqqutaasa ilaat taamatut nipeqarput.

Demokraatit siunnersuut ataatsimiititaliami suliassanngortikkusussimavaat, akuersissuteqarnerup kingunerisinnaasai qulaajaaffigitinniarlugit, amerlanerussuteqartulli tamanna itigartippaat. Taamaammat siunnersuut Inatsisartuni pingasunngormat akuerineqamat Demokraatit taperseerusussimanngillat:

- Iluaqutaasinnaasut paasilluarsinnaavagut, kinguneqaataasinnaasulli erseqqissumik nassuiarneqarsimanngillat, Anna Wangenheim oqaluttarfimmiit oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER