Naalakkersuisut: Tusagassiortunik katersortitsineq aqagu nal. 11.00
Illoqarfinni assigiinngitsuni coronamik tunillatsissimasut amerlatsinneratigut marlunngornermi maleruaqqusanik nutaanik Naalakkersuisuniit pilersitsisoqareersorlu Naalakkersuisut sisamanngornermi tusagassiortunik katersortitsilerput.
Annonse
Naalakkersuisut tusagassiortunik aqagu nalunaaqutaq 11:00 katersortitsilerlutik paasissutissiipput. Tusagassiortunik katersortitsinermi corona pillugu killiffik saqqummiunneqassaaq, tunillatsittoqarsimasinnaaneranillu paasissutissanik nutaanik maannalu misissuinerit qanoq ingerlanneqarnersut paasissutissiissutigineqassapput.
Sumiiffinni assigiinngitsuni Covid-19-imik tuniluuttoqarnerani misissuigasuarneq annertooq ingerlanneqarpoq, Naalakkersuisut paasissutissiipput.
Innersuussutit malinneqarnissaat
Tuniluunneq pinaveersaartinniarlugu pisortat innersuussutaat ataani allassimasut malinneqarnissaat sakkortuumik inassutigineqarput:
- Allat qanillinaveersaakkit aamma allat timikkut attornaveersaakkit
- Assatit asakulakkit
- Qanermut assiaqut atortussaatillugu atoruk
- Tunillatsissimanermik ersiuteqaruit angerlarsimaannarit
- Pisariaqanngittumik angalanaveersaarit, pingaartumik sumiiffinni tuniluuffiusuni