Skip to main content

Naalakkersuisut: Meeqqat atugarliortut sipaarniarfigineqanngillat - akerlianik salliutinneqarput

Naalakkersuisut meeqqat inuusuttullu atuarliortut akigalugit sipaarniarneraanermut akerliliipput.

Meeqqanut inuusuttunullu toraagaqartunik suliniutinut decembarimiilli 31 mio. kr.-inik Naalakkersuisut immikkoortitsisimapput, Naminnersorlutik Oqartussat tusagassiorfinnut nalunaaruteqarnermi ilisimatitsipput.

Politikkerinit arlalinnit oqaatigineqarsimavoq, Naalakkersuisut Aalisarneq pillugu Ataatsmiititaliarsuarmi atuinerusimaneq matussuserniarlugu 1 million koruunit ingerlatsinermi sillimmatit kontuannit atuiniartut. 2020-mut Aningaasanut Inatsit naapertorlugu konto Tasiilami nunallu sinnerani meeqqanut sumiginnakkanut kiisalu ikiorsiissuteqarnissamut ilisimatuullu suleqatigiittarfissaannik pilersitsinissamut atugassiaapput.

Nassuiaatigineqartoq

Naalakkersuisut nassuiaatigaat:

- Meeqqanut aarlerinartorsiortunut aningaasaliissutit pillugit ingerlatsinermut sillimatit attuumassuteqarunnaarnikuupput, tassami aamma ingerlatsinermut sillimmatini immikkoortinneqarsimasunit 7,5 mio. kr.-usunit amerlanerusunik aningaasaliisoqarneratigut aningaasaliissutit taakku atugassanngortinneqareernikuupput. Meeqqannut inuusuttunullu aarlerinartorsiortunut suliniuteqarnernut tassa 2019-imi decembarimi 20 mio. kr.-t aningaasaliissutigineqarnissaat Naalakkersuisut akuersissutigitippaat. Suliassaqarfimmut Folketingip 80 mio. kr.-nik aningaasaliinerannut ilassutitut 20 mio. kr.-t taakku immikkoortinneqarput. Taakku 2020-mut aningaasanut inatsisip akuersissutigineqarnerata kingorna taamaalillutik aningaasaliissutigineqarput.

Ulloq 5. juni isumaginninnermut suliassaqarfimmi nuna tamakkerlugu sulianik suliarinnittarnermut ataqatigiimmik aaqqissuussinissamut 11 mio. kr.-nik aningaasaliissuteqartoqarsimasoq, Naalakkersuisut ilisimatitsipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER