Naalakkersuisut: Kangerlussuaq pillugu isumaqatigiissuteqartoqalersoq

Illersornissaaqarfiup siunissami Kangerlussuarmik atuisarnissaa pillugu tunngaviusumik isumaqatigiissut piffisami qaninnerusumi atsiorneqassaaq

Filketingimi Kalaallit Nunaannut tunngatillugu ataatsimiitaliap tamanut ammasumik isumasioqatigiinnerani illersornissamut ministerip Trine Bramsenip (Soc) ippassaq oqaatigaa, Kangerlussuup matuneqarnissaa pilersaarutigineqanngitsoqNu bekræfter Naalakkersuisut, om end indirekte, at dette er en korrekt udlægning.

- Naalakkersuisut illersornissamullu ministeeriaqarfiup 2019-imi upernaakkulli sulissutigilerpaat, illersornissaqarfiup Kalaallit Nunaanni Issittumilu silaannakkut iliuuseqarnerminni Kangerlussuarmik atuiinnarnissamik kissaataanut tunngatillugu aaqqiissutissarsiornissaq, tusagassiorfinnut nalunaarummi taamatut allassimasoqarpoq.

Isumaqatigiissuteqartoqalerpoq

Kangerlussuarmi timmisartoqarefiup ammatiinnarneqarnissaa qanorlu atorneqartarnissaa kalaalit aalajangingassaraat.

Maannali illersornissaqarfiup timmisartoqarfimmik atuiinnartarnissaa pillugu isumaqatigiissut qanittukkut atsiorneqartussanngorpasippoq.

- Atorfilittavut suliap ingerlateqqinneqarnissaa pillugu aaqqiissutissarsiorlutik piffissami sivisuumi sulisimaqaat. Tunngaviusumik isumaqatigiissutip piffissami qaninnermi atsiorneqarnissaanik suliaqarnermi suliat siulliit naammassineqarnissaat qilanaarilerparput, Ineqarnermut Attaveqaqatigiinnermullu Naalakkersuisup Karl Frederik Danielsenip (S) aamma Nunanut Allanut Naalakkersuisup Ane Lone Baggerip (S) ataatsimut oqaaqaataat taamatut nipeqarpoq.

Atsioqatigiittoqareerpat peqqissaarutaanerusumik pilersaarusiornissaq

Naalakkersuisut maannamut tamanut nalunaaruteqartarneranni Kangerlussuup siunissaa pillugu aalajangiissuteqartoqarsimanngilaq.

Maannili takuneqarsinnaalerpoq, timmisartoqarfik minnerpaamik illersornissaqarfimmut ammatinneqassasoq.

- Naalakkersuisunit kissatigineqarsimavoq Kangerluussuarmi Timmisartoqarfik matuneqassanngitsoq, tamanna sulinitsinni najoqqutaasimavoq pingaarutilik, Naalakkersuisut taakku marluusut oqaatigaat.

Illersornissaqarfimmut tunngaviusumik isumaqatigiissut atsiorneqarniariarpat, suleqatigiissitat marluusut timmisartoqarfiup taamalu nunaqarfiup siunissami qanoq isikkoqarnissaat pillugu sukumiinerusumik pilersaarusiussapput. Suleqatigiissitat aappaat Namminersorlutik Oqartussanit Qeqqatalu Kommunianit inuttaqartinneqassaaq aappaalu Namminersorlutik Oqartussanit illersornissaqarfimmillu inuttaqartinneqarluni.

- Illersornissaqarfiup Kangerlussuup Timmisartoqarfianik atuiinnarnissaanut tunngavissat inissinneqarpata, suleqatigiissitap illersornissaqarfimmit kommunimillu inuttaqartinneqartup tunngavissaa inissinneqassaaq. Naalakkersuisut suliap ingerlatinneqarnissaanut qilanaarput.

Powered by Labrador CMS