Naalakkersuisut: Illorsuit navianaatilittut suli inissisimavoq

Piffissami kingullermi nunaqarfiup Illorsuit, 2017-imi aasakkut tassaarsuaqarmat inuerutsinneqartup ammaqqinneqarsinnaanera politikkikkut soqutigineqarluarsimavoq.

Soqutiginninneq nunaqarfimmi innuttaasimasut, nunaqarfimminnut taamaallutik uteqqinnissaminnik neriuuteqartut peqatigiiffiannit oqaatigineqartartunik aallaaveqarpoq.

Naalakkersuisulli naapertorlugit innuttaasut neriuutaat piffissami qaninnermi piviusunngortinneqarsinnaanngilaq.

Politikkikkut soqutiginnittoqarnerani pingaartumik tunngavigineqarsimavoq, kalerrisaarummik qaqqap Karrat Kangerluanniittup sisooqqissinnaaneranik nakkutiginnittussamik atortuliisoqarsinnaanersoq. Kallerisaarummik atortuliisoqarsinnaassaaq, kisianni nunaqarfimmi innuttaasunut piffissaagallartillugu kalleriisoqarsinnaanngilaq.

Minutsit 12-13-it ingerlaneranni tassaarsuaqassasoq

Avatangiisinut naalakkersuisup Jess Svanep (S) Aleqa Hammondimut (NQ) allakkatigut akissuteqarnermini tamanna ilisimatitsissutigaa:

- Karrat Kangerluanni nutaamik sisoortoqassappat, tassaarsuup Illorsuamut eqquinissaanut nalunaaquttap akunneri arlallit ingerlasussaanngillat, ajoraluartumillu taamaallaat minutsit 12-B-it ingerlasussaallutik. Tamanna ulorianaateqarpoq, aammalu piffissaq innuttaasunut kalerriinissap angumerinissaanut naammanngittutut naliliiffigineqarluni.

- Kalerrisaarutit, soorlu Norgemi aamma USA-mi nassaassaasut ingerlatseqatigiiffimmik
annertoorsuarmik pisariaqartitsiviupput. Tamatuma saniatigut maannarpiaq
alapemaarsuutinik kalerrisaarutinillu pitsaasunik ingerlatsinikkullu isumannaatsunik, pissutsinut ajomakusoortunut - soorlu Karrat Kangerluanni kangerluup sikusarnera, qaammataasanut attaviit ataavartuunnginnerat, silap pissusii, qaqqat kilometerinik arlalinnik portussusillit il.il. eqqarsaatigalugit naatsorsuussanik misilerameqarsimasunillu ilisimasaqartoqanngilaq, Avatangiisinut Naalakkersuisoq Aleqa Hammondimut allapoq.

Suliffeqarfiit ammaqqissinnaanngikkaat

Naalakkersuisut ilisimatitsissutigaat, Karrat Kangerluanni qaqqat sivingarngisa suli sisooqqissinnaanerannik ilisimasaallit naliliisimasut. Sumiiffimmi angalanissaq inerteqqutaanngilaq, kisiannili inassutigineqarani.

Naalakkersuisulli erseqqissaatigaat, sumiiffimmi sulisunut ulorianaateqarsinnaasumi pisortat suiffeqarfiinik ammaaqqittoqarnianngitsoq:

- Oqartussaasut sulisuminnut sulIivimmi toqqissisimanartunik avatangiiseqartitsinissaq pinngitsooratik pisussaaffigaat, Alea Hammondimut akissummi allassimavoq, erseqqissaatigineqarporlu namminersortut suliffeqarfiutaanni atorfilinnut tamanna aamma atuuttoq.

- Upalungaarsimanermik suliallit naliliineri pimoorutissagatsigit, taamaalillunilu
Karrat Kangerluanni qaqqanik sisoortoqaqqinnerata inunnit amerlanerusunit
inuunerinik akeqannginnissaa pingaaruteqarpoq, Jess Svane allappoq.

Misissuineq kinguaattooqqasoq

Jess Svane ilisimatitsivoq, sumiiffmni 18-ini - aamma Nuugaatsiami Illorsuarnilu qaqqat sivingarnisa sisooqqissinnaanerannik misissuinerup inerneri suli utaqqimaarneqartut. GEUS misissuisuuvoq, ilisimasallillu alapemaarsuutinik kalerrisaarutinillu ikkussuisoqarsinnaaneranik innersuussisussaasut.

Aallaqqaammut pilersaarutaasut naapertorlugit sulineq 2021-ip naanerani naammassereersimasussaagaluarpoq, coronamulli atatillugu killersuutit pissutigalugit sulineq kinguaattooqqavoq, maannalu naatsorsuutigineqarluni suineq 2022-p qiteqqunnerani aatsaat naammassineqassasoq.

- Upalungaarsimanermik suliallit naliliineri pimoorutissagatsigit, taamaalillunilu
Karrat Kangerluanni qaqqanik sisoortoqaqqinnerata inunnit amerlanerusunit
inuunerinik akeqannginnissaa pingaaruteqarpoq.