Skip to main content

Naalakkersuisut: Aalisariutinut isaterinermullu aningaasaliissutit ikilineqassapput

Covid-19-ip ajornartoortitsinera aallaavigalugu nunatta karsiata misissuiffigeqqissaarneqarnerata kingunerisaanik Naalakkersuisut siunnersuuteqarput tapiissutit 14 millioner koruuniniit 8 millioner koruuninut appartinneqassasut.

Aalisartut suli ikinnerusut periarfissaqalissapput aningaasat, ”sinerissami qanittumi aalisarnermi angallatinik pisoqqanik isaterinermut” aammalu ”sinerissap qanittuani ingerlaavartumik aalisariutinik taarsiinissamut nutarterinissamullu aamma suliniutinut nutarterisinnaasunut, misileraalluni aalisarnermut assigisaanulluunniit” tapiissutit ikilineqartussanngormata.

Aviisi Sermitsiaq taama allappoq.

Karsimik misissueqqissaarneq isumaqarpoq aningaasat siunertanut aalajangersimasunut atunngitsoorneqarsimasut nunatta karsianut utertinneqartussaasut, tassa naalakkersuisut 6 millioner koruuninik ikilileriniarnerat isumaqarsimassaaq aningaasat taakku immikkoortinneqarsimagaluarlutik atunngitsoorneqarsimammata nunatta karsianut utertinneqartussanngorsimasut, tassami Inatsisartut aningaasaqarnermut ataatsimiititaliaata piumasaqaatiginikuuaa toqqaannartumik sipaarniartoqassanngitsoq taamaallaalli aningaasat atunngitsoorneqarsimasut ataatsimiititaliap akuersineratigut utertinneqarsinnaassasut.

Covid-19-ip ajornartoortitsinera aallaavigalugu nunatta karsiata misissuiffigineqarnerata kingunerisaanik Naalakkersuisut siunnersuuteqarput tapiissutit 14 milliuunit koruuniniit 8 milliuunit koruuninut ikilisinneqassasut.

2006-mi atuutilerpoq

Aningaasat qinnuteqaatigineqarsinnaasut taakku 2006-mi kontoliuullugit pilersinneqarnikuupput, pingaarnertut siunertarineqarluni sinerissamut qanittumi aalisarnerup imminut akilersinnaanerusunngorsarneqarnissaa anguniarneqassammat, aammalu nutaaliorlutik sinerissamut qanittumi aalisarumasut tapersersorneqassammata kiisalu aamma aalisartut nutaat pisariinnerusumik aalisarnermut pulasinnaaniassammata.

Inatsisartut aningaasanut inatsisaat ukiumiit ukiumut misissorneratigut (paasisat 1) erserpoq aningaasaliissutit aalaakkaasumik amerlassuseqartinneqarsimanngitsut. Hans Enoksen-ip (taamanikkut S) Naalakkersuisuni siulittaasuunerata nalaani konto pineqartoq matoqqaavilluni matoqqasimavoq aningaasaliisoqarnerlu ajorluni, taamaattorli Kuupik Kleist (IA)-p nalaani konto uummarteqqinneqarsimavoq, tamatumalu kingorna Siumup aqutseqqilernerata kingorna aamma aningaasartaqartinneqarluni 2015 eqqaassanngikkaanni, ukiut tamaasa aningaasanik siunertamut illuartitsisoqartarluni.

Aalisartut allamik qaavatigut isertitaqanngitsut tapiissutisinissaminnut inorsartarput

Inatsisartuni ilaasortaasimasoq, Naaja Nathanielsen (IA) 2015-mi marsip naajartornerani Naalakkersuisunut apeqquteqaateqarpoq (§37, 71/2015), sooq aningaasat kontomi pingaarnermi tassaniittut atunngitsoorneqartarnersut. Taamanikkut aalisarnermut, piniarnermut nunalerinermullu naalakkersuisuusoq, Karl-Kristian Kruse (S), ilaatigut akissuteqarpoq angallatimik aalisariutigisamik nutarteriniarluni aningaasanik taakkunannga tapiissutisissagaanni nammineq aningaasaliinissamut piumasaqaatit naammassiniaruminaatsinneqartarsimasut. Tassungalu tunngatillugu aamma ilisimatitsivoq pisuni arlalinni nammineq aallarniutissat avataniilluunniit aallarniuteqarnissamut aningaasaleeqataanissaq uppernarsaatissaqartinneqarsinnaanngikkaangat tapiissuteqartoqarneq ajortoq.

Aviisi Sermitsiami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER