Skip to main content

Naalakkersuisut siulittaasuat: Qinersisoqarnera 2014-p eqqaamaneqaatigissavaa

Siumumit Kim Kielsen Naalakkersuisutut siulittaasuunermini siullerpaamik januaarip aallaqqaataani ukiortaami oqalugiarpoq

- Ukioq naavoq aammalu ukioq nutaaq 2015 aallartippoq. Ukiut ingerlanerini arlaleriarluta allaanerulluinnartunik misigisaqartarpugut; ukiorli 2014 nuannersorpassuarnik pisoqarfiugaluartoq naalakkersuisut aamma innuttaasut akornanni tatiginnikkunnaarnermik pisoqarfiusutut eqqaamaneqartussaq, qinerseqqittoqarnissaanik kinguneqarsimavoq. Tatiginninerup sikkilertoqqinnissaanut piffissaq sivisooq ingerlasarpoq, aammalu siunertarisagut pillugit oqaatigisat piviusorsiorsimanersut aatsaat piffissap nutaap ingerlalertornerani naqissusiisussaapput taamaattumik Naalakkersuisut nutaat maniguullutik, ilungersorlutik sulillutik minnerunngitsumillu pitsaasumik angusaqarlutik tatiginninnerup atuuteqqilernissaanut tunngavissat qulakkeerniarpaat.

- Taamaattumik ataatsimoorneq, toqqissisimaneq ineriartortitsinerlu Naalakkersuisut ukiuni sisamani tulliuttuni suleqataaffigiligaanni pingaaruteqarluinnartumik tunaartarineqassapput. Piffissami inuiaqatigiit akornanni pasillernermik toqqissisimannginnermillu imaqartunik nalaataqareernitsinni, tunaartassat ataqqilluinnarlugit inuiaqatigiittut pisariaqartippagut.

Naalakkersuisut siulittaasuat Kim Kielsen Siumumeersoq KNR TV-kkut toqqaannartumik januaarip aallaqqaataani ukiortaami oqalugiarnini taama aallartippaa. 

Kim Kielsenip ukiortaami oqalugiaataa tamaat talerpiata tungaani pdf-ikkut atuarneqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER