Skip to main content

Naalakkersuisut raajartassat amerlivaat

Kitaani raajartassiissutit ukiumut siulianut sanilliullugit 11.250 tonsinik amerlanerussapput

Naalakkersuisut sisamanngormat aalajangerpaat Kitaani raajat 101.250 tonsit ukiormanna pisassiissutigineqassasut.

Nunatta kitaata imartaani raajat 2018-imut pisassiissutigineqartut siornamut sanilliullugit 11.250 tonsinik amerlanerupput, 2017-mi raajartassiissutit 90.000 tonsiullutik. Biologit nunatta kitaata imartaanut 2018-imut innersuussutaat 105.000 tonsiupput. 

Namminersorlutik Oqartussat tuagassiuutinut nalunaarummi taama ilisimatitsipput.

Aappaagumut pisassiissutaasunit 2.600 tonsit EU-mut pisassiissutigineqarput, EU-mik isumaqatigiissut naapertorlugu, 1.252 tonsit Canadamut aamma pisassiissutaapput. Tamassuma tunngavigaa Kalaallit Nunaat pisussaaffilerneqarnikuummat Canadalu raajaqarfeqateqarneq pissutigalugu. 

Tunumi raajat 4.300 tonsit pisassiissutaasut ilisimatitsissutigineqarpoq.

Peqassutsip siuariarnera
- Uumassusilerituut siunnersuinerat malillugu Kalaallit Nunaata kitaani 2018-mi raajaqassuseq siuariarfiunissaa oqariartuutigineqarpoq. Siunnersuineq 2016-mi 2017-milu 90.000 tonsimiissimavoq. 2018-mili 101.250 tonsiuvoq, tusagassiuutinut nalunaarummi oqaatigineqarpoq.

Inuussutissarsiuteqartut ataavartumik ingerlatsinissamik kissaataat naapertorlugu, pisassiissutit qaffannissaat 12,5 procentit sinnissanngikkaat malinneqarpoq. Tamanna Raajanut aqutsinissamut pilersaarummi takuneqarsinnaavoq. TAC-mik qaffaat 101.250 tonsinut tamassuma tunuliaqutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER