puisit amii
Naalakkersuisut peqqissimisut: Puisit amii ikuallanniarunnaaraat
Great Greenlandip januaarimi aalajangiunneqartutut, natsiit amii tunineqartut tamaasa ikuallassanngilaat. KNAPK sakkortuumik sunniiniareersoq Naalakkersuisut maanna taakku suliarineqarnissaannut matussutissanik aningaasassarsipput
Allatut isummernissap tungaanut isuma aalajangiusimaneqartarpoq. Tamannalu aamma ukioq manna natsiit amiinut tunineqartut pillugit suliami atuuppoq, Naalakkersuisummi piniartunik KNAPK-millu kaammaammertitseqalutik taakku aserorterneqarnissaat januaarimi aalajangerpaat.
Atuaruk: Ammit atorneqarsinnaanngikkaluit piniartunut aningaasaliisoqartartoq
Piumaneqanngitsorpassuit
Taamanikkullu Great Greenlandip aningaasameereeqisup natsiit amiinik toqqortanik, ukuni marlunni affarmilu tunineqartartutut amerlassusilinnik peqarnera patsisigineqarpoq. Taakkunanngalu minnerpaamik 60.000-it piumaneqanngivissuupput.
Atuaruk: Suliniaqatigiiffiit puisit amiinut tunngasuni mianersortut
Maanna Naalakkersuisut saqitsaapput, Inatsisartullu Aningaasaqarnermut Ataatsimiititaliaanut immikkut aningaasaliissutissanik qinnuteqarput - aningaasallu akuersissutigineqarput, taamaalilluni ammit suliarineqarsinnaallutik.
Suliaq pillugu AG normu 15-imi paasisaqarnerugit. Aviisi uani ataani linki atorlugu pisiarisinnaavat