inuussutissarsiorneq
Naalakkersuisut oqariartuutaat: ‘Nunatsinneersunik pisigit’ itigartikkaat
Naalakkersuinermik suliallit isumaqatigiissutigiuartagaasa ilagaat nunatsinneersunik pisinerunissaq nunanillu allaneersut annikillisillugit. Naalakkersuisulli nutaamik oqariartuuteqarput
Naalakkersuisut oqariartuutaat: ‘Nunatsinneersunik pisigit’ itigartikkaat Pisortaqarfiit pisiniarnerminni ukiumut 1,5 milliard koruuninit amerlanerusut atortarpaat. Tassalu 1.500 millionit.
Aningaasat ilarpassui Danmarkimi pilersuisunut tuttarput, tamannalu ajorpoq; aningaasat nunatsinni inuussutissarsiortunut iluaqutaasariaqaraluarput.
Ukiorpassuarni naalakkersuinermik ingerlatsinermi tamanna najoqqutarineqartarpoq.
Læs: Nunatsinni akiitsoqarajuut ikinnerulersut
Tamatigut iluaqutaanngitsoq
Maannakkulli Naalakkersuisut allamut sangupput. Tamanna Aningaasaqarnermut Naalakkersuisumit Randi Vestergaard Evaldsenimit Inatsisartunut akissutaavoq.
Demokraatit siulittaasuat allappoq:
- ‘Nunatsinneersunik pisigit’ eqqarsaatigalugu innersuussinermi maluginiarneqassaaq apeqqusiinngivilluni nunatsinni suliffeqafimmit inniminniineq imaanngimmat tamatigut inuiaqatigiinnut iluaqutaasartoq.
- Unammillernermut atatillugu tamanna pilersuisut ikilinerannik akillu qaffannerannik kinguneqarsinnaavoq. Aamma piariaqarpoq nunatsinni inuussutissarsiortut nunani allaneersunik unammilleqatigiinnikkut peqqinnartumik ineriartornissaat pitsaasumik sulineq, aningaasartuutikillisaaneq nutaaliornerlu tunaartarineqarlutik.
Danmarkimik isumalluuteqarneq
Inatsisartuni attaviitsup Naaja Nathanielsenip Naalakkersuisut oqariartuutaat uissuummissutigaa.
- Isumaqatiginngilluinnarpakka. Tupaallannartutullu isumaqarfigaara nunatsinni naalakkersuinikkut siuttut politikkeqarmata nunatsinni inuussutissarsiortut immikkut tapersersorneqartariaqanngitsut, oqarpoq sapaatit akunnerani qaangiuttumi suliaq Inatsisartuni oqaluuserineqarmat.
Atuaruk: IA: Randi taamaammat uppiseriaraluarparput
Allaaserisaq tamaat sapaatip-akunnerani AG-mi saqqummertumi atuaruk, uani aamma pisiarisinnaavat: