Naalakkersuisut nutaanik timmisartoqarfiliornerit aningaasanik aallerfiginianngilaat

Coronap ajornartorsiortitsineranut akiligassarujussuaq akilerneqartussanngorpat, Nuummi Ilulissanilu timmisartorsuarnut mittarfiliornissamik aamma Qaqortumi mittarfiliornissamik pilersaarutit Naalakkersuisut attatiinnarniarpaat.

Inuussutissarsiornermut Naalakkersuisup Jess Svanep timmisartoqarfissanut nutaanut aningaasaliissutit akilerneqarneqarnissaannut aningaasat immikkoortinneqarsimasut attorusunngilai.

Aqqa Samuelsenip IA-meersup paragraf 37 naapertorlugu apeqqutaanut, Jess Svane akissuteqarluni allappoq "mittarfiliornissamut katersaatinut aningaasaliissutinit aningaasanik aallertoqarnianngittoq".

Isumaqatigiissutit pituttuisut

- Mittarfiliornissamik suliniutip ilarujussuanut pituttuisunik isumaqatigiissutinik atsiortoqarsimavoq, taakkunanngalu ilaannamininngui annertunerusumik aningaasaqarnermut annaasaqaataanngitsumik kinguartinneqarsinnaassapput. 2 TaamaaliJluni tamaanngaanniit aningaasanik aallernissaq aningaasaqarnikkut iluaqutaasussaanngilaq, Jess Svane erseqqissaavoq.

Akissutini itisilerlugu oqarpoq:

- Ukiuni takkuttussani inuiaqatigiit tamarmiusut ineriartortinnissaat eqqarsaatigalugu mittarfiliornissamut aningaasaliissutit piviusunngortinneqassapput. COVID-19-imik nalaataqarfik ilungersornartuuvoq, Kalaallit Nnnaannulli aalajangiisumik ineriartortitsinermut pingaaruteqartussanut nunatsinni inuiaqatigiinni aningaasaliissutinut annertuunut tamakkununnga kinguneqartinneqartariaqanngilaq.

Powered by Labrador CMS