Skip to main content

Naalakkersuisut nunanit allamiut amerlanerusut sulisorineqarnissaat ammaakkusukkaat

Inatsit, suliffeqarfiit nunanit allanit sulisussarsiorsinnaanerannut tunngasoq, killilersuisorujussuusoq, naalakkersuisoq Erik Jensen isumaqarpoq. Uissuumminartumik iliuuseqarluni siunnersuutigaa, Nunatta killeqarfii nunanit tamalaanit suliartortunut ammanerulersinneqassasut.

Nunani allani naalagaaffinnut allanut innutaasut siunissami ajornannginnerusumik, pisariunnginnerusumik sukkanerusumillu Nunatsinni najugaqarnissamut akuersissummik pisinnaasariaqarput sulilerlutillu, aatsitassanut suliffeqarnermullu naalakkersuisoq Erik Jensen (S) oqarpoq. 

Aviisi Sermitsiaq taama allaaserisaqarpoq.

Erik Jensenip uissuumminartumik saqqummiussaqarnermigut, nunanit tamalaanit sulisussarsisinnaanermut tunngatillugu sulisartoqarnermut politikki maannamut ingerlanneqarsimasoq iliuuseqarfiginiarpaa. Taassuma Naalakkersuisut tunuliaqutarai. 

Naalakkersuisunut ilaasortaq taama suliniuteqarpoq, suliffeqarfippassuit piffissami sivitsortumi nunanit tamalaanit sulisussarsisinnaanertik pillugu allagaqaateqartareersullu. Taakkua peqatigiiffiata, Sulisitsisut tikkuarpaat, suliffeqarfiit ilarpassuini nunanit tamalaanit sulisussarsisinnaaneq amigaatigineqarluinnartoq.

- Nunatsinni inatsit maanna atuuttoq, suliffeqarfinnik, kommuninik aamma Namminersorlutik Oqartussat nunanit allanit sulisussarsiorsinnaanerannut tunngasoq, killilersuisorujussuuvoq. Savalimmiuni iliuuserineqarsimasoq isumassarsiffigilluarpara. Savalimmiuni aaqqissuussisimanertut ittumik atuutilersitsinissarput sulissutigerusuppara. Tamanna oqariartuutigaara, Erik Jensen Sermitsiamit apersorneqarluni oqarpoq.  

Taanna ilaatigut Inatsisartuni aningaasanut inatsisissap 2020-moortup isumaqatigiinniutigineranut atatillugu, Inatsisartut inatsisaata Nunatsinni sulisussarsisinnaanermut tunngasup allannguutissaanik   siunnersuuteqarniarpoq. 

Allaaserisaq tamaat  Sermitsiami atuaruk – uani ataani linki aqqutigalugu aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER