NunaMinerals
Naalakkersuisut: Nunamineralsimut aningaasaliissutigineqarsimasut tamarmik annaaneqareerput
Nunamineralsimi piginneqatiginnissutinik amerlanerpaamik pigisaqartut nalunaaruteqarput aningaasaliissutigineqarsimasut tamarmik annaaneqareersut - aamma nalikinnerusunik 3.000-it pigisaqartut pii
Nunamineralsimi piginneqataassuteqarnerpaap tulliata, Lønmodtagernes Dyrtidsfondip, marlunngornermi ilisimatitsissutigaa Namminersorlutik Oqartussat Numineralsip immikkut ataatsimeersuarnerani siunnersuutaanut, ilaatigut piginneqatigiissutit naleerutsinneqarnissaat kiisalu fondsbørsenimi Københavnimiittumi nalunaarsorsimajunnaarnissaa, tunngasut akerliullutik taasissutiginiarlugit.
Lønmodtagernes Dyrtidsfondip taamaaliornermigut aatsitassarsiorfiup ineriartoqqinnissanut nutaanik aningaasaliiffigineqarsinnaaneranut periarfissikkusuppaat.
Atuaruk: Nunamineralsimi piginneqataassuteqarnerpaap tullia akerliulluni taasilerpoq
Atuaruk: Kim Kielsen: Nunamineralsimik naakkittaatsumik tigusiniartoqanngilaq
Aningaasaliissutit annaaneqareerput
Maannali Naalakkersuisut siulittaasuat, Siumumeersoq Kim Kielsen, nalunaaruteqarpoq Nunamineralsip siunissaa taartuinnaasoq.
- Selskabip siunissaa qulakkeerniarlugu pilersaarummik Naalakkersuisut saqqummiussimmatali Nunamineralsimi piginneqataasut oqaatigisarpaat selskabimut aningaasaliissutitik annaassagitsik.
- Naalakkersuisut tassunga tunngatillugu erseqqissaatigerusuppaat selskabimut aningaasaliissutigineqasimasut tamarmik annaaneqareermata. Selskabimik nalikillisaanermut selskabip aningaasaateqanngivinneranut akiligassanillu akiliisinnaannginneranut ersiutaavoq.
Atuaruk: Nunaminerals ernumanartumik ataatsimiittoqalinnginnerani assuaraa
Atuaruk: Nunaminerals nakkaattuulerpoq
Aningaasaliisinnaasut allaat tikilluaqqusaapput
Nunamineralsimi siulersuisut sapaatip akunnerata siuliani suliffeqarfiup nalinga 82 million koruuninik annikillivaat, taamaalilluni suliffeqarfik 2014-imi naatsorsuutigineqalersutut 85 million koruuninik amigartooruteqartussanngortutut inissillugu.
- Siunnersuuterput, tamakkununnga tunngatillugu malittarisassanik atuuttunik unioqqutitsinngitsoq, sisamanngorpat itigartinneqariaannaavoq, Kim Kielsen allappoq, nangillunilu:
- Aningaasaleerusuttut allat piginneqataalerusuttut tikilluaqqusaapput. Immikkut ittumik ataatsimeersuarnissap tungaanut periarfissaqarput.
Kim Kielsenili malillugu maannamut Nunamineralsimik annaassiniarluni allamik pilersaaruteqanngilaq.
- Unneqqarissumillu oqaatigissagaanni siulersuisut aktiaatilinnut paasissutissanik apuussaqartarsimanngillat, Kim Kielsen ilisimatitsivoq.
Nunamineralsi pillugu allaaserisat allat uani atuakkit