Naalakkersuisooqatigiilersut
Naalakkersuisut nalunaaqutaq 17.00 ilisaritinneqassapput
Naalakkersuisuni ilaasortaalersussat qulingiluat pingasunngornermi ualikkut nalunaaqutaq 17.00 ilisaritinneqassapput. Taama Siumup siulittaasua Kim Kielsen ilisimatitsivoq
Siumut, Atassut aamma Demokraterne naalakkersuisooqatigiinnissamut isumaqatigiissuteqarlutik sisamanngornermi decembarip sisamaani atsioqatigiipput.
Inatsisartunut qinersisoqarneraniit ullut aqqaneq marluk qaangiuttullu kiisalu naalakkersuisooqatigiinnissamut isumaqatigiissutip atsiorneqarneranit ullut arfinillit qaangiuttullu naalakkersuisuni ilaasortanngortussat qulingiluat pingasunngornermi nalunaaqutaq 17.00 ilisaritinneqassapput.
Taama Kim Kielsen Sermitsiaq.AG-mut ilisimatitsivoq.
Atuaruk: Naalakkersuisunngortussat saqqummiunneqannginneranni oqaaseqarusuttoqanngitsoq
Atuaruk: Siumut, Atassut aamma Demokraatit naalakkersuisunngortitsipput
Kim Kielsenip Siumup kiisalu Naalakkersuisunngortussat siulittaasuattut naalakkersuisuni ilaasortanngortussat qulingiluat pingasunngornermi nalunaaqutaq 17.00 ilisaritissavai.
Naalakkersuisooqatigiilersussat Naalakkersuisuusimasunilu ilaasortaasimasut Inatsisartuni Siumup ataatsimiittarfiani pingasunngornermi nalunaaqutaq pingasuniit naapeqatigiipput.