Skip to main content

Naalakkersuisut naalakkersuisoqarfimminnut akerliusumik iliuuseqarsimasut

Naalakkersuisoqarfiit arlallit tusarniaanermut akissumminni maajip qaammataani nipisattassiissutinik qaffaaqqusisimanngikkaluarput. Naalakkersuisulli Kim Kielsen siuttoralugu pisassiissutit qaffanneqarnissaat aalajangersimavaat. Kim Kielsen aalajangiinermut attuumassuteqarpallaarsimanersoq kammeradvokatip maanna misissuleruttorpaa.

Aqutsiveqarfinni Nuummi Maniitsumilu ukioq manna nipisanniarneq iluatsilluarneqarsimavoq.

KNAPK-mit taamaammat kissaatigineqarsimavoq, sumiiffinni pineqartuni aalisarneq sivisunerutinniarlugu, nunami sumiiffinnit allanit pisassiissutinik nuussisoqarnissaa.

Naalakkersuisut tassunga taarsiullugu nipisannut TAC 1159 tonsiniit 1363 tonsinut qaffassimavaat, taamalu aalisarnerup ingerlanneqarnissaanut pilersaarummik avaqqutsitsinermi MSC-mik meqqilerneqarsimaneq ulorianartorsiortinneqarluni.

Qaffaanissaq aalajangiunneqartinnagu, aalisarnermik inuussutissarsiuteqartut aalisanermillu inuussutissarsiutillit kattufii tusarniaaffigineqaramik qaffaanissamut akerliusimagaluarput. Sermitsiaq.AG-mit tusarniaanermut akissutit takuneqarsimapput, akissuteqarsimasullu qulinit amerlanerusut, arlaannaataluunniit  pisassiissutinik tamarmiusunik qaffaanissaq inassutigisimanngilaat. Akerlianik tamarmik akerliusimagaluarput.

Naalakkersuisoqarfiit pingasut akerliusimasut

Tusaqrniaanermut akissuteqarsimasut ilagaat Aalisarnermut, Piniarnermut Nunalerinermullu Naalakkersuisoqarfik, Aningaasaqarnermut Naalakkersuisoqarfik aamma Pinngortitamut Avatangiisinullu Naalakkersuisoqarfik, taakku tamarmik pisassiissutinik qaffaanissamut akerliusimapput, aalisarnermut kingunerluuteqarsinnaanera pissutigalugu.

- Aalisarnermut, Piniarnermut Nunalerinermullu Naalakkersuisoqarfimmit(APNN) erseqqissaatigineqassaaq, nipisanniarnermi inerlatsinissamut pilersaarut malinneqartoq aamma nipisanniarneq MSC-mik meqqiligaasoq. Naalakkersuisut tamanna malillugu 2020-mut TAC aalajangersarsimavaat. APNN-imit (Aalisarnermut, Piniarnermut Nunalerinermullu Naalakkersuisoqarfik) taamaammat inassutigissavarput, nipisanniarnissamut pisassiissutit 1.159 tonsiusut attatiinnarneqassasut. AN (Aningaasaqarnermut Naalakkersuisoqarfik) APNN-ip inassuteqaataanut isumaqataavoq.

Qaffaanermut akisussaaffik akerleriissutaasoq

Aamma KANUAANA-mit (Kalaallit Nunaanni Aalisarsinnaanermut Akuersissutinik Nakkutilliisoqarfik) qaffaaneq akerlerineqarsimavoq:

- Ingerlatsinissamut pilersaarut kiisalu MSC-mik meqqiligaasimanerup annaaneqarsinnaanera innersuussutigalugit KANUAANA isumaqarpoq, pisassiissutit qaffanneqartariaqanngitsut.

Aalisarnermut, Piniarnermut Nunalerinermullu Naalakkersuisup Jens Immanuelsenip tamatuma kingorna oqaatiginikuuaa, qaffaanissamut nammineq aalajangiisimanani. Oqaatigaluguli Naalakkersuisut tamarmiusut qaffaanissaq aalajangersimagaat.

Kim Kielsen pasillerneqartoq

Pisimasoq kingusinnerusukkut oqallisaalerpoq, Naalakkersuisut Siulittaasuata Kim Kielsenip umitsiani ikinngumminut nipisanniartumut atukkiummagu, kingusinnerusukkullu pisassiissutinik qaffaaqataammat.

Siulittaasoq imminuinnaq eqqarsaatigalugni iliuuseqarsimanerangaavoq, pisassiissutinillu qaffaanermi aningaasatigut iluanaaruteqartussaagami aalajangiisoqalermat anisimasussaanerarneqarluni. Siulittaasorli suliamut attuumassuteqarpallaannginnerarpoq, erseqqissaatigalugulu umiatsiani atukkiukkamiuk aningaasannassutigisimanagu, taamaallaat sillimmatinut aserortoqarsinnaaneranullu aningaasartuutissat matussusertiinnarsimallugit.  

Suliaq Kammeradvokatimit Inatsisartullu Aningaasaqarnermut Kukkunersiuinermullu Ataatsimiititaliaanit maannakkorpiaq misissorneqarpoq.

Læs hele sagen:

  1. Naalakkersuisut sætter MSC-certificering over styr
  2. Island har manglet MSC i flere sæsoner
  3. Uenighed om kvoteforøgelse
  4. Jeg har ikke hævet stenbiderkvoten
  5. Kielsen udnytter sin position
  6. Kim Kielsen skal undersøges af lovudvalget
  7. Revisionsudvalget vil undersøge Kielsen
  8. Forklaring om kvoteforhøjelser holder ikke
  9. Ingen er hævet over loven
  10. Inatsit kikkunnut tamanut atuuppoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER