akitsuutit
Naalakkersuisut mamakujunnut akitsuutit pillugit nutaamik siunnersuusiortut
Inuussutissarsiortunit annertuumik isornartorsiorneqareerlutik Naalakkersuisut mamakujunnut akitsuutip allanngortinnissaanut siunnersuusiuleruttorput
Piffissami kingullermi inatsisissatut siunnersuut pillugu annertuumik oqallittoqareerneratigut Naalakkersuisut isumaliutigilerpaat aalajangiisimanerup allanngortinnissaa Inatsisartuni amerlanerussuteqartut kissaatigissaneraat, Vittus Qujaukitsoq (S) oqarpoq.
Mamakujunnut, tupanut pujoqanngitsunut qummoroortartunullu akitsuutit qaffannerat aggustip 20-anit 2015-imit kingumoortumik atuuttussanngortinneqarput, ingammillu ‘Inatsisartut inatsisaat inatsisissap saqqummiunneqarneraniit atuutilissaaq’ oqaatigineqartut inuussutissarsiortunit sakkortuumik isornartorsiorneqarput.
Atuaruk: Arraa! Mamakujuttunut akitsuut nutaaq kingumoortumik atuuttoq
Suliaq paatsuunganartoq
Nuummi niuertarfiit Kamik Qasigiannguanilu Butik Milop inatsisit ‘nakutitsiniutitut’ taavaat, Sulisitsisullu sulinermillu inuussutissarsiuteqartut kattuffiata SIK-p aamma Naalakkersuisut sakkortuumik isornartorsiorpaat. Allaat Inatsisartut aningaasaqarnermut ataatsimiititaliaata suliaq paatsuunganartutut nalilerpaa Naalakkersuisullu nassuiaateqaqqulugit.
– Akitsuutit novembarip pingajuani 2015- mit atuutilertariaqaraluarpoq siunnersuut naammassilluni Inatsiartunut saqqummiunneqarmat kingumoortumiunngitsorlu, Aningaasaqarnermut akileraartarnermullu Ataatsimiititaliami siulittaasoq Jens Immanuelsen (S) oqarpoq.
Atuaruk: Mamakujuttunut akitsuut marloriaatinngussaaq
Uani sapaatip-akunnerani Sermitsiami saqqummertumi allaaserisaq tamaat atuaruk. Aviisi aamma uani pisiarineqarsinnaavoq: