Naalakkersuisut Kuannersuit pillugit aalajangiissuteqangajalersut
Naalakkersuisut naliliipput, Greenland Mineralsip Kalaallit Nunaata kujataani Kuannersuarnipiiaanissamut akuersissummik qinnuteqaataa pillugu suliami aalajangiinissamutpaasissutissat naammattut pigineqartut. Qaammatit arfinillit ingerlaneranni aalajangiisoqassaaq.
Et langvarigt forløb omkring Greenland Mineralsip Kuannersuarni aatsitassanik qaqutigoortunik uranimillu piiaanissamik pilersaaruteqarsimanera piffissami sivisuumi ingerlareersoq naammassineqartussanngorpoq.
- Naalakkersuisut naliliipput, Greenland Mineralsip Kalaallit Nunaata kujataani Kuannersuarni piiaanissamut akuersissummik qinnuteqaataa pillugu suliami aalajangiinissamut paasissutissat naammattut pigineqartut. Najoqqutassat pigineqartut tunngavigalugit piiaanissamut akuersissummik tunniussisoqassanersoq imaluunniit
tunniussisoqassannginnersoq pillugu aalajangiinissamik suliaqarneq Aatsitassanut Inatsisillu Atuutsinneqarnerannut Naalakkersuisoqarfiup maannakkut aallartinnialerpaa.
Ingerlatseqatigiiffik tassunga tunngasoq pillugu ulloq 5. maj 2022 paasitinneqarpoq, Naalakkersuisut tallimanngornermi tusagassiorfitsigut nalunaaruteqarlutik allapput.
Naalakkersuisut Kuannersuit pillugit qaammatit arfinillit iluanni aalajangiissapput.
Naalakkersuisut paarlaakkaagata piumasaqaatit allanngortinneqartartut
Greenland Mineralsip Kuannersuarni misissuinissamut akuersissummik tunineqarneranit ukiut 15-it qaangiupput. Ingerlatseqatigiiffik Narsamit 10 kilometerisut ungasitsigisumi aatsitassanik qaqutigoortuunerusunik piiaanissamik kiisalu saniatigut uranimik qaqitsisarnissamik pilersaaruteqarnerminut taamanikkulli koruuninik miliuunilikkaanik atuisimavoq.
Naalakkersuisuusartut assigiinngitsut inatsisillu assigiinngitsut suliap ingerlanneqarnerani piumasaqaatinik allanngortitsisarsimapput, Greenland Mineralsillu VVM aamma VSB pillugit nassuiaatai kiisami akuerineqarlutik 2020-p naanerani tusarniaassutigineqatussanngortussanngortullu, taamanikkut naalakkersuisooqatigiit atorunnaarput, politikkullu allatut ingerlatsisoqalerluni.
Tamatuma malitsigisaani Naalakkersuisut IA-mit siulersorneqartut inatsimmik allannguisimapput, uranimillu piiaasoqarnissaanik inerteqquteqalersitsillutik.
Greenland Minerals aamma tusarniaaffigineqassasoq
Greenland Minerals suliniumminut akuerineqassanersoq naliliiffigineqassaaq.
- Greenland Mineralsip piiaanissamut akuersissut tunniunneqassanersoq
tunniunneqassannginnersorluunniit aalajangiinermi, ilaatigut Greenland Mineralisip
piiaanissamut qinnuteqaataani uranimik il. il., misissueqqaarnermut, ujaasinermut
piiaanermullu inerteqquteqarneq pillugu Inatsisartut inatsisaanni nr. 20, 1. december 2021-
meersup malittarisassanut unioqqutitsinersut apeqqutaalluni akuerineqassanersoq
nalilersorneqarumaarpoq, Naalakkersuisut allapput.
Aatsitassanut Inatsisillu Atuutsinneqarnerannut Naalakkersuisoqarfiup maannakkut
najoqqutassat pigineqartut tunngavigalugit piiaanissamut qinnuteqaat pillugu
aalajangiinissamut missingiut suliarisussanngorpaa. Suleriaatsimut aalajangersimasumut
naapertuuttumik, Naalakkersuisut inaarutaasumik aalajangiitinnagit, Greenland Mineralsip
aalajangiinissamut missingiutip oqaaseqarfiginissaanut periarfissinneqassaaq.
Naalakkersuisuniit aalajangiinissaq qaammatit tulliuttut arfinillit iluanni pissasoq
naatsorsuutigineqarpoq.