namminiilivinneq
Naalakkersuisut Inatsisartunut Tunngaviusumik inatsimmi akerliupput
Suliassat Tunngaviusumik inatsisilerinermut isumalioqatigiissitaq pillugu Inatsisartuni aalajangernermut naapertuutinngillat
Inatsisinik atortitsinermut ataatsimiititaliap ataasinngornermi novembarip ulluisa 21-anni isumaliutissiissutini Inatsisartunut saqqummiuppaa, tassanilu imatut allassimasoqarpoq:
- Isumalioqatigiissitamik aalajangersaanermut tunngatillugu Naalakkersuisuni ilaasortat amerlanerussuteqartut suliassat periutsimi taaneqartumi 3.2-up ataani ilaatinneqassasut kaammattorneqarput, taamaalilluni tunngaviusumik inatsisinik isumalioqatigiissitaq tunngaviusumik inatsisissatut siunnersuummik naalagaaffeqatigiinnermit aninermi akuersissutigineqartussamik atuuttussanngortinneqartussamillu inatsisissatut siunnersuusiussaaq – tassa imaappoq nunatsinni naalagaaffimmi namminiivissortumi tunngaviusumik inatsisissatut siunnersuusiussasut.
Tunngaviusumik inatsisilerinermut isumalioqatigiissitami siulittaasunngortup Vivian Motzfeldtip Inatsisartuni aalajangernerup aamma Naalakkersuisut suliassaq pillugu nalunaarutaasa assigiinnginerat malugisimavaa.
- Assigiinngitsuusut takuakka, kisianni Inatsisartut peqataatinnagit Naalakkersuisut Inatsisartut aalajangigaannik allanngortitsisinnaanngillat.
- Ataatsimiittarfimmiuna aalajangerneq atuuttussaasoq, Vivian Motzfeldt Sermitsiamut oqarpoq.
Tunngaviusumik inatsit pillugu Sermitsiami paasisaqarnerugit: