Naalakkersuisut illunut kulturi sumiginnarpaat
Qanoq ililluta namminersorluni oqartussaaneq illersorsinnaavarput nammineernerulernissamillu takorluugaqarluta, kulturikkut kingornussavut ingerlassinnaanagilluunniit, Nuummi arnap politikerip ilisimaneqartup ernera aperivoq.
Peter Oluf Holm Meyer kamappoq. Taanna isumaqarpoq Naalakkersuisunit kalaallit kulturiat sumiginnarneqartoq Nuutoqqami illutoqqat aserfallatsillugit, aviisi Sermitsiaq allappoq.
Meyer akerliliivoq Facebookikkullu Naalakkersuisut isornartorsiorlugit Nuutoqqami illunut kulturi sumiginnaraat.
Pingaartumik illu B-75, Hans Egedep Illuata, Namminersorlutik Oqartussat ilassinnittarfiata taamalu Kalaallit Nunaata pisortatigoortumik avammut kiinnertarfiata, sanianiittoq.
Ukiuni 20-ni aserfallatsitaq
“Nuutoqqamiippoq B-75, illu eqqissisimatittariaqartoq 1892-imeersoq – siusinnerusukkut sannaviusimasoq, iffiorfiusimasoq, niuertoqarfiup allaffigisimasaa, allakkeriviusimasoq kingullermillu atorfimmut atatillugu inissiarineqarsimasoq, taannalu ukiuni 20-ni atorneqarsimanngilaq aserfallakkiartuinnarluni?
Illup piginnittuinit, Namminersorlutik Oqartussanit, puigorneqarsimasoq?
Allaammi illup eqqaani nalinginnaasumik saliinissamut piffissaliisoqartarsimanngilaq, Meyer allappoq, taannalu Nuutoqqami peroriartorsimavoq tassanilu maanna najugaqarluni.
- Iliuuseqartariaqarpugut, Peter Oluf Holm Meyer Sermitsiamut oqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
